NAHUM 3:13 - Jinghpaw Common Language Bible 2009

¹³ Na a hpyenla ni gaw karum la lam n lu ma ai, na a mungdan mung na a gumlau hpyen ni a man e shamyet shanat shara n nga rai nga ai. Wan gaw na chyinghka htinggrang ni hpe hkru kau ya na ra ai.

Jinghpaw Hanson Version Bible

¹³ Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.

NAHUM 3:13 ပူးပေါင်းရင်းမြစ်များ

SHAKAWN KUNGDAWN 107:16

Shi gaw mare chyinghka ni hpe agrawp kau nna, hpri htinggrang ni hpe kahtum kadaw di kau nu ai.

SHAKAWN KUNGDAWN 147:13

Shi gaw na a mare chyinghka ni hpe shangang da nna, na a amyu masha ni hpe, shi shaman ya nga ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

YEREMIA 50:36

Dai mung na masu nga ai myihtoi ni si hkrung si htan- shanhte gaw kade wa angawk nga ma hka! Dai mung na hpyenla ni si hkrung si htan- shanhte gaw kade sha hkrit gari nga ma hka!

YEREMIA 50:37

Dai mung na gumra ni hte hpyen leng ni hpe jahten mu! Dai mung na saw shaga da hkrum ai hpyenla ni si hkrung si htan- shanhte gaw kade sha n-gun kya nga ma hka! Dai mung na sut gan ni hpe jahten mu; hpya lu hpya sha nna lanep hta la mu.

YEREMIA 51:30

Babelon hpyenla ni gaw majan n hkap gasat ai sha, shanhte a dap kata hkan rawng nga ma ai. Shanhte gaw shanhte a share shagan ai myit htum mat manu ai, karum la lam n lu ai ni tai mat nga masai. Mare chyinghka ni agrawp daw mat nna dum nta ni wan hkru nga sai.

OBEDIA 1:9

Teman a majan share ninghkrin ni hkrit gari mat na mara ai, Edom mung na hpyenla shagu sat kau hkrum na mara ai.

NAHUM 2:6

Hka lam chyinghka ni hpaw malang nga nna, hkawhkam htingnu gaw hkrithpa hte hpring nga ai.

NAHUM 2:7

Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.

NAHUM 3:15

Nang hpa galaw ai rai tim, nang gaw dai shara hta nan hkru si mat na, shing n rai majan pa hta sat kau hkrum na rai ndai. Nang gaw dinggam-yaw ni sha kau hkrum ai nsi naisi ni zawn yeng seng kau hkrum na ndai. Nang gaw dinggam-yaw ni zawn law htam nga myit dai!