NAHUM 3:11 - Jinghpaw Common Language Bible 2009

¹¹ Ninewe e, nang mung ndum ndam chyaru nang ai wa zawn kadang mat wa na ra ai! Nang gaw na a gumlau hpyen ni a lata kaw na hprawng lawt lu hkra shakut wa na rin dai.

Jinghpaw Hanson Version Bible

¹¹ Nang mung mak mat nna, hprawng makoi na ndai: hpyen wa a lata na lawt lu hkra, hpyen dap hpe tam na ndai.

NAHUM 3:11 ပူးပေါင်းရင်းမြစ်များ

SHAKAWN KUNGDAWN 75:8

Dai Madu gaw shi a masin kahtet ai ngu ai nsa ja ai sabyi ntsin hte hpring nga ai gawm hpe shi a lata hta lang da nga ai. Dai ntsin hpe shi ru dat ai hte tara n lang ai ni yawng hte gaw dai hpe lu nga ma ai; shanhte gaw kahte mi pyi n ngam mat hkra lu kau nga ma ai.

ESAIA 2:10

Shanhte gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw na makoi lu na matu mung, lungrawk lunghkrung bum na lungpu hku ni hta mung, ga e nhkun htu nna mung, makoi gyem nga na mara ai.

ESAIA 2:19

Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.

ESAIA 29:9

Matut nna myit n su nga mu! Matut nna myi di nga mu! Sabyi n lu ti mung nang nga mu! Chyaru kahte mi n lu tim ndi nda rai nga mu!

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 63:6

Nye a masin kahtet ai hta, ngai gaw masha amyu baw ting hpe kabye anut kau ai hte shanhte hpe gamang ayai kau ni ai. Ngai gaw shanhte a asak sai hpe ga ntsa e ru kau ni ai,” ngu nna tsun ai.

YEREMIA 4:5

Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

AMO LAIKA (AMOS) 9:3

Shanhte Hkarmela Bum pungding ntsa e makoi nga ai rai yang, ngai shanhte hpe hkan tam rim la na nngai. Shanhte gaw ngai kaw nna panglai htumpa hta makoi nga ai rai yang, shanhte hpe kawa na matu panglai baren numraw hpe ngai hkang dat na nngai.

MIHKA 7:17

Shanhte gaw lapu ni zawn ga nhpu hta gumrawt hkawm wa na mara ai; shanhte gaw shanhte a ngang ai mare kata kaw nna hkrit gari ai hte pru mat wa na mara ai. Shanhte gaw anhte a Madu Karai Kasang hpang de hkrit kamyin ai hte nhtang wa na mara ai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

NAHUM 2:1

Ninewe e, nang gaw gasat hkrum nga ndai! Nang hpe gasat gamang kau na daru magam n-gun du nga sai. Hpyen dap ni hpe hkyen da u! Mare nmaw lam sin u! Majan a matu hkyen da u!

LUKA 23:30

Dai nhtoi hta, masha ni gaw, bum ni hpe, ‘Anhte a ntsa e daw gamyet myit!,’ kawng ni hpe, ‘Anhte a ntsa e ka-up mi!,’ nga nna mung, shanhte hpyi shaga shajang na ma ra ai.

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;

1 SAMUELA 14:11

Dai rai nna shan gaw shan a hkum hpe Hpilisti masha ni a man e shadan shadawng dan mu ai rai nna Hpilisti masha ni gaw, “Yu mu! Hebre masha nkau mi shanhte makoi nga ai nhkun kaw na pru wa mara ai law!,” ngu nna tsun ma ai.