NAHUM 3:10 - Jinghpaw Common Language Bible 2009

¹⁰ Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.

Jinghpaw Hanson Version Bible

¹⁰ Rai timung, shi gaw rim la ai hkrum nna, bawng dung ai de sa wa ai: mare lam ni a mashe shagu hta, shi a ma kaji ni adit sat kau ai hkrum nna, arawng sadang lu ai ni a lam, shanhte hpaida da ai hte, daru magam rawng ai ni hpe, hpri sumri hte gyit ma ai.

NAHUM 3:10 ပူးပေါင်းရင်းမြစ်များ

2 HKAWHKAM 8:12

Hazaela gaw, “Nang hpa majaw hkrap nga n ta?,” ngu nna san wu ai. Elisha chyawm gaw, “Israela amyu masha ni hpe nang galaw na ra ai hkrit kajawng hpa amu ni a lam hpe ngai chye nga nngai. Nang gaw shanhte a hpyen dap ni hpe nat kau ya nhtawm wa ngan shabrang ni hpe sat sharu kau nna shanhte a ma kaji ni hpe gumpye sat ai hte na-um nasin re ai numsha ni hpe kan ga kau ya na rai myit dai majaw re,” ngu nna htan wu ai.

YOBA 6:27

Nanhte gaw jahkrai ma mayam ni a matu hpaida pyi da nna, shanhte a manang ni hpe mung hpaga rai zawn dut sha nga myit hka!

SHAKAWN KUNGDAWN 137:8

Babelon e, nang gaw jahten kau ai hkrum na rin dai. Anhte hpe nang galaw mi ai hte maren, nang hpe bai tai lu ai wa gaw a nga ai.

SHAKAWN KUNGDAWN 137:9

Na a ma chyangai ni hpe la nna, nlung hta shanhte hpe adit kau ai wa gaw a nga ai.

SHAKAWN KUNGDAWN 149:8

shanhte a hkawhkam ni hte mung du, salang ni hpe hpri sumri ni hte gyit nna, Karai Kasang a mungga hte maren, amyu baw ni hpe ari jaw na matu mung, Karai Kasang a amyu masha ni gaw shanhte a lata hta dai ai nhtu ni hpe lang da nna, nsen kaba hte jahtau let, Karai Kasang hpe shanhte shakawn mu ga. Ndai gaw Karai Kasang a amyu masha ni a awng padang lam rai nga ai. Dai Madu hpe shakawn mu!

ESAIA 13:16

Shanhte garen gari rai yu nga ma yang, shanhte a ma chyangai ni adit sat kau hkrum na mara ai, shanhte a dum nta ni hpya kau hkrum na mara ai, shanhte a madu jan ni roi rip hkrum na mara ai,” nga nna tsun ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 19:4

Ngai gaw Egutu amyu masha ni hpe gumshem nna mazut nhtawm shanhte hpe up lu na hkawhkam wa a lata de ap kau na we ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 20:4

Asuri hkawseng wa gaw ndai mungdan lahkawng kaw na shi lu rim la ai bawng masha ni hpe singgu krin woi mat wa na ra ai. Kaji kaba n nga, shanhte gaw lagaw kaman hte singgu krin hkawm nna shanhte a dangbau ni hpaw da let, Egutu mung hpe kaya jahkrum na mara ai.

SHARUNG SHAYAWT 2:19

Shana tup lang hte lang rawt nna Madu hpe hpyi jahtau u; Na a myit masin hpe ru shapraw dat nhtawm lam jut shara shagu hkan e si na daram Kawsi kyet nga ai ma kaji ni hpe matsan dum la na matu, shi hpe hpyi nem u!

SHARUNG SHAYAWT 4:1

Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

EZEKELA 29:7

Shanhte nang hpe shamyet shanat yang, shanhte a lahpa hpe galun htinggrang ya nna shadaw kau ya ndai; shanhte a shingma ni hpe manai kabun ya nga ndai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

YOELA 3:3

Shanhte gaw bawng masha ni hpe kadai wa madu la lu na matu hpaida da let daw dan la ma ai. Shanhte gaw shawa num ni hte sabyi ntsin manu jaw na matu, numsha, lasha ni hpe mayam hku dut sha kau ma ai.

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

OBEDIA 1:11

Gumlau hpyen ni shanhte a mare chyinghka ni hpe adup agrawp kau ai shani e, nang n shamu ai sha tsap nga ndai. Nang gaw Yerusalem a sut gan ni magawn hpai mat wa nna dai ni hpe jawm karan la ai tsasam masha ni zawn n kaja nga ndai.