NAHUM 3:1 - Jinghpaw Common Language Bible 2009

¹ Masu magaw ai, sai jahkaw ru hka amu shapraw ai mare, lanep hta na hte hpya lu hpya sha na sut gan hpring nga ai mare gaw dingnye hkrum nga sai!

Jinghpaw Hanson Version Bible

¹ Sai jahkaw ai mare gaw, dingnye lu u ga! masu magaw hte adip arip dai hta hpring chyat nga ai: shi tutnawng shan amya sha nga ai.

NAHUM 3:1 ပူးပေါင်းရင်းမြစ်များ

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

ESAIA 17:14

Shanhte gaw shana de e hkrit kajawng hpa shabyin dat ma ai, rai ti mung jahpawt manap e, shanhte hkoi mat ma ai. Dai gaw anhte a mung hpe hpya lu hpya sha ai masha shagu hte a hpang jahtum na lam rai nga ai.

ESAIA 24:9

Sabyi ntsin lu nna kabu gara mahkawn mangoi ai gaw dai shara hta n nga nga ai, de a namchyim namta loi mi hpe kabu sharawng ai masha kadai n nga nga ai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

NAHUM 2:12

Hkanghkyi la gaw shi a manang jan hte shi a kasha ni a matu shi a lamyin hte adaw atang di gang amya sat yu nu ai; shi gaw shi a lawng hta ashep je da ai ashan hte jahpring da nga ai.

NAHUM 2:13

“Chyahtum Chyalai N-gun rawng ai dai Madu gaw, “Ngai gaw na a hpyen rai nga nngai, na a hpyen leng ni hpe ngai nat kau na nngai. Na a hpyenla ni majan hta sat kau hkrum na mara ai, Kaga ni kaw na nang la da sai arai magup sumhpa ni hpe mung ngai la mat wa na nngai. Na a dat kasa ni a hpyi nem ai nsen hpe htawm hpang de galoi mung na lu sana n rai.”

HABAKU 2:12

Nanhte gaw dingnye hkrum nga myit dai! Nanhte gaw mare hpe ru hka amu hta npawt de da nga myit dai; ru hka amu hte dai mare hpe gaw sharawt da nga myit dai.