NAHUM 2:9 - Jinghpaw Common Language Bible 2009

⁹ Gumhpraw kashun la mu! Ja kashun la mu! Ndai mare gaw sut gan hte hpring nga ai!

Jinghpaw Hanson Version Bible

⁹ Aja hpe kashun la mu. Gumhpraw hpe kashun la mu: mahkawng da ai sutgan hte, reng htum ai arung arai n ma hkraw nga ai.

NAHUM 2:9 ပူးပေါင်းရင်းမြစ်များ

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

ESAIA 33:1

Anhte a gumlau hpyen ni gaw dingnye hkrum nga ma ai! Shanhte hpe kadai e mung n hpya, gumle gumlau n galaw ti mung, shanhte mahtang hpya ai hte gumle gumlau di kau ma ai. Rai ti mung hpya kau na shanhte a aten hte gumle gumlau amu gaw htum mat na ra ai. Shanhte nan hpya lu hpya sha ai hte gumle gumlau ai amu a tsin-yam tsindam hkrum sha ai masha ni tai na mara ai.

ESAIA 33:4

Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 46:5

Rai ti mung, dai Madu gaw, “Ngai hpa baw mu a ta?,” nga nna san wu ai. “Shanhte gaw hkrit ai hte nhtang mat wa ma ai. Shanhte a hpyenla ni gaw nhtang kayat hkrum ma ai; hkrit gari ai gaw shanhte hpe ka-up kau nna, shanhte gaw lawan lu ai daram lawan nna shingdu de n kayin yu nga ai sha, kagat mat wa ma ai.

YEREMIA 51:56

Shanhte gaw Babelon hpe jahten na matu du sa ma ai; dai mung na hpyenla ni gaw rim hkrum nga ma ai, shanhte a ndan ni agrawp daw mat manu ai. Ngai gaw n hkru ai amu galaw ai ni hpe ari jaw ai Karai Kasang rai nga nngai, Ngai gaw Babelon wa hkam la ging ai mara hte maren, di na we ai.

EZEKELA 26:12

Shanhte gaw na a sut gan kashun la nna gun rai ni hpe lanep shatai kau na mara ai. Shanhte gaw na a mare bunghku ni hpe kanawng daw kau nna hkik hkam ai na a nta ni hpe hpya kau ya na mara ai. Shanhte gaw nlung, hpun ngau ni hte wut chyen ni yawng hpe magawn la nna panglai de kabai bang kau na mara ai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

NAHUM 3:17

Na a du salang ni gaw kashung ai shani e shakum nhpan hkan kap ai dinggam-yaw wunawng wuwa ni zawn rai nga ma ti mung, jan kahtet wa ai shaloi shanhte pyen mat wa ma ai. Shanhte kade pyen hkawm mat wa ai hpe kadai n chye nga ai!

SHINGRAN 18:12

Shanhte a gun rai ni gaw: ja arai, gumhpraw arai, hpu ging ai lungseng ni, pale, lachyit sumpan, shaba pu nsam rawng ai sumpan, lai hte da ai sumpan, hkyeng kabrim ai sumpan, manam pyaw ai baw hpun amyu myu, magwi kawng hte galaw ai arai amyu myu, manu rawng ai hpun arai, magri mang arai, hpri arai, lunghpraw arai amyu myu,

SHINGRAN 18:16

“Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka!