NAHUM 2:3 - Jinghpaw Common Language Bible 2009

³ Gumlau hpyenla ni hkyeng ai ninggang lang nna hkyeng ai hpyen palawng ni bu hpun da ma ai. Shanhte gaw htim gasat na matu hkyen nga ma ai! Shanhte a hpyen leng ni wan zawn tu ala nga ai! Shanhte a gumra ni gumtawng hkawm nga ma ai!

Jinghpaw Hanson Version Bible

³ Shi a share ninghkrin ni a n gang ni hkyeng nga nna, wa-ngan ni a hpun palawng hkyeng mang rai nga ai: hpyen hkyen ai shani e, hpyen leng ni gaw, gang hte htoi kabrim nna, marau hpun ri tu ni gaw, tu ala nga ai.

NAHUM 2:3 ပူးပေါင်းရင်းမြစ်များ

YOBA 39:23

Shanhte a jawn masha ni laknak ni hpai hkrawk hkrak ma ai rai nna; jan hta tu kabrim nga ma ai.

SHAKAWN KUNGDAWN 80:13

dai hpun hpe wa ndu ni e, kabye agrawp mat wa nna, matse labye dusat ni, dai hte hkru kat nga ma ai.

ESAIA 14:8

Marau hpun ni hte Lebanon arit hpun ni mung hkrat sum mat sai hkawhkam wa a matu kabu ma ai, hpa majaw nga yang, shanhte hpe kran kadang na kadai n nga nga sai, ya chyawm gaw shi n nga mat sahka!

EZEKELA 23:24

Shanhte gaw dingdung maga hku hpyen leng ni, rai htaw leng ni hte hpawn hpyen luksuk kaba ni hpe woi yu wa nhtawm nang hpe gasat na mara ai. Shanhte gaw tinang hkum hpe makawp maga ya ai hpyen ninggang ni hte hpyen gupchyawp ni hte nang hpe wang da na mara ai. Ngai gaw nang hpe shanhte a lata de ap kau nna shanhte gaw shanhte a htung tara hte maren nang hpe jeyang na mara ai.

EZEKELA 26:7

Tsaw Htum ai dai Madu gaw, “Turu mare hpe gasat na matu, galu kaba htum ai hkawhkam ngu ai Babelon Hkawhkam Nebuhkadneza hpe ngai woi sa wa na nngai. Shi gaw hpyen gumra ni, hpyen leng ni, gumra jawn ai ni ngu ai hpyen luksuk kaba hte hpawn dingdung maga kaw nna yu sa wa na ra ai.

NAHUM 3:2

Lasik hte kayat ai nsen, leng dingsen ni chyai kayin ai nsen, gumtawng hkawm ai gumra ni a nsen, adawt hkra ai hpyen leng ni a nsen ni hpe madat yu mu law!

ZEHKARIA 1:8

Ngai gaw masha langai mi gumra ahkyeng jawn nga ai hpe mu nngai. Shi gaw kadit langai mi na maihting hpun maling kata hkring nga nna, shi a hpang e hkyeng ai, ateng apang re ai hte hpraw ai gumra ni tsap nga ma ai.

ZEHKARIA 11:2

Marau hpun ni e, hkrap ai hte sharung shayawt nga mu- arit hpun ni kadawng mat sai; dai shingkang rawng ai hpun ni hten mat sai! Bashan wamyi hpun ni e, hkrap ai hte sharung shayawt nga mu- maling dinggram kran kau nga sai!

ZEHKARIA 6:2

Shawng na gumra leng hpe gumra hkyeng ni hte garawt nhtawm, lahkawng ngu na hpe gumra chyang ni hte mung,

SHINGRAN 12:3

Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai.

SHINGRAN 6:4

Shaloi gumra kaga, ahkyeng nsan ai gumra langai mi pru wa ai. Dai gumra jawn ai wa hpe, ndai ga ntsa e majan shabyin nna, masha sat hkat shangun na ahkang jaw da wu ai. Shi hpe nhtu kaba langai mi mung jahpye ya wu ai.