NAHUM 2:13 - Jinghpaw Common Language Bible 2009

¹³ “Chyahtum Chyalai N-gun rawng ai dai Madu gaw, “Ngai gaw na a hpyen rai nga nngai, na a hpyen leng ni hpe ngai nat kau na nngai. Na a hpyenla ni majan hta sat kau hkrum na mara ai, Kaga ni kaw na nang la da sai arai magup sumhpa ni hpe mung ngai la mat wa na nngai. Na a dat kasa ni a hpyi nem ai nsen hpe htawm hpang de galoi mung na lu sana n rai.”

Jinghpaw Hanson Version Bible

¹³ Yu u, ngai nang hpe hkap daw nna, na a hpyen leng ni hpe wan hkut shatai na hte, nhtu gaw hkanghkyi uram ni hpe, shamyit kau na ra ai; nang amya sha lu na shan hpe, ga ntsa na ngai jahtum kau nna, na a kasa ni a nsen hpe htawm hpang de kadai na lu na n rai, nga nna Zaw nawng zaw wa up ai Yehowa tsun ai.

NAHUM 2:13 ပူးပေါင်းရင်းမြစ်များ

2 HKAWHKAM 18:17

Asuri hkawseng wa gaw Yerusalem mare e nga ai Hezekia hpe Lahkisha mare kaw nna htim gasat na matu hpyen hpung kaba langai mi dat dat wu ai: dai luksuk hpe shi a npu na tsaw htum ai du kaba masum e up hkang da nga ma ai. Shanhte Yerusalem mare de du shang wa jang, lahta hka lawng kaw nna hka la yu wa ai hka hkawng makau e hpun nba hkrut ai ni lang ai nmaw lam hpe sa madu la nga ma ai.

2 HKAWHKAM 18:19

Asuri du salang langai wa mi gaw shanhte hpe Hkawhkam Hezekia kaning re ai hta dai daram kam hpa mai nga ai ngu ai lam hpe hkawseng wa chye mayu nga ai, ngu tsun wu ai.

2 HKAWHKAM 19:23

Na a hpyen leng mahkra hte Lebanon a tsaw htum ai bum ni hpe nang gasat dang la nit dai lam ngai hpe shakawng dan na matu na a dat kasa ni hpe ngai hpang de shangun dat nga ndai. Dai shara hkan na galu preng tsawm ai arit hpun ni hte hpu htum nna tsaw htum ai marau hpun ni hpe nang kran daw kau nit dai majaw grang dakat shakawng nga ndai hte dai hpun maling htinggram a maling mala shara de mung nang hkan dep nga nit dai.

2 HKAWHKAM 19:9

Hkusha Hkawhkam Tirhaka gaw Egutu hpyen luksuk ni hpe woi nna shanhte hpe htim gasat na matu lung wa ai shiga Asuri ni kaw hkrang pru wa nga ai. Asuri hkawseng wa dai shiga hpe na ai shaloi shi gaw Yuda Hkawhkam Hezekia hpang de laika langai sa dat wu ai.

2 HKAWHKAM LABAU 32:19

Shanhte gaw kaga masha amyu ni a karai ni hte masha lata hte tawk da ai hpara sumla ni a lam hpe tsun kajai ma ai hte maren Yerusalem a Karai Kasang hpe mung tsun kajai ma ai.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 46:14

“Egutu mung na mare ni rai nga ai Migdola, Memhpi hte Tahpan mare ni hta ndai shiga htawn tsun mu: dai gaw ‘Nanhte a hkum hpe makawp maga na matu jin jin rai nga mu; nanhte kaw nga ai ni yawng gaw hpyen majan hta shaza hkrum na rai myit dai!

YEREMIA 50:31

“Babelon e, nang gaw gumrawng gumtawng ai myit hte hpring nga ndai majaw, Chyahtum Chyalai N-gun rawng ai Tsaw Htum ai dai Madu ngai nan nang hpe hkap daw na nngai! Nye a matu nang hpe ari jaw na aten gaw du nga sai.

YEREMIA 51:25

Babelon e, nang gaw mungkan ga ting hpe jahten kau ai bum zawn rai nga ti mung, dai Madu ngai nan na a hpyen rai nga nngai. Ngai gaw nang hpe magra jum da nhtawm ga madang hte maren adit jahkrat kau nna a mani di tawn na we ai.

EZEKELA 13:8

Dai rai nna Tsaw Htum ai dai Madu gaw shanhte hpe, “Nanhte tsun ai ga ni gaw n teng n man nga ai; nanhte a myit shingran ni mung masu magaw ga ni hkrai rai nga malit dai. Ngai nanhte hpe ninghkap nngai.

EZEKELA 21:3

Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

EZEKELA 26:3

“Dai rai nna, Tsaw Htum ai Madu ngai nan tsun nga ai mungga gaw ndai rai nga ai: Turu mare e, ngai gaw na a hpyen rai nga nngai. Ngai gaw nang hpe gasat na matu masha amyu law law hpe woi sa wa na nngai, dai ni gaw panglai hka leng ni zawn rawt hta wa ai hte du sa wa na mara ai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 29:10

ngai gaw na a hpyen hte na a Nila hka a hpyen rai nga nngai. Ngai gaw Egutu mung hpe dingdung maga Migdola mare kaw nna dingda maga Aswan mare du hkra hte Ehtiopi lamu ga jarit yawng htum hkra, akrin akraw hte katsi katsang shara shatai kau na nngai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 35:3

Dai masha ni hpe Tsaw Htum ai dai Madu ngai hpa tsun nga nngai lam hpe tsun dan u: “Edom a bum ni e, ngai gaw na a hpyen rai nga nngai! Ngai gaw nang hpe katsi katsang shara shatai kau na we ai.

EZEKELA 38:3

Tsaw Htum ai dai Madu ngai gaw shi a hpyen rai nga nngai lam shi hpe tsun u.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 5:8

Dai rai nna, Tsaw Htum ai dai Madu ngai gaw na a gumlau hpyen rai nga nngai hpe nang hpe tsun dan nga nngai. Ngai gaw nang hpe masha amyu baw ni yawng mu lu ai shara hta tara jeyang na we ai.

NAHUM 2:12

Hkanghkyi la gaw shi a manang jan hte shi a kasha ni a matu shi a lamyin hte adaw atang di gang amya sat yu nu ai; shi gaw shi a lawng hta ashep je da ai ashan hte jahpring da nga ai.

NAHUM 3:1

Masu magaw ai, sai jahkaw ru hka amu shapraw ai mare, lanep hta na hte hpya lu hpya sha na sut gan hpring nga ai mare gaw dingnye hkrum nga sai!

NAHUM 3:12

Na a hpyen dap ni yawng gaw shawng myin nna asi si ai lagum hpun ni zawn rai wa nna, hpun ashun dat yang na a n-gup ang ang hkrat bang na ra ai.

NAHUM 3:15

Nang hpa galaw ai rai tim, nang gaw dai shara hta nan hkru si mat na, shing n rai majan pa hta sat kau hkrum na rai ndai. Nang gaw dinggam-yaw ni sha kau hkrum ai nsi naisi ni zawn yeng seng kau hkrum na ndai. Nang gaw dinggam-yaw ni zawn law htam nga myit dai!

NAHUM 3:5

Chyahtum Chyalai N-gun rawng ai dai Madu gaw, “Ninewe e, ngai nang hpe ari jaw na we ai! Masha amyu ni nang hpe mu la mu ga, na a kaya kahpa mahkra hpe mu la mu ga, nang hpe singgu krin raw sharun da na we ai.

YAWSHU 11:6

Dai Madu gaw Yawshu hpe, “Shanhte hpe hkum hkrit et. Hpawt ni ndai ahkying hta Israela a matu shanhte yawng hpe ngai sat kau na we ai. Nang mung shanhte a gumra lahkap dan kau nna, leng ni nat kau na rai ndai,” ngu nna tsun wu ai.

YAWSHU 11:9

Dai Madu hkang da nu ai hte maren, Yawshu gaw shanhte hpe shakrip mu ai rai nna shanhte a gumra lahkap dan ya nhtawm leng ni hpe nat kau ya wu ai.