NAHUM 2:10 - Jinghpaw Common Language Bible 2009

¹⁰ Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

Jinghpaw Hanson Version Bible

¹⁰ Mare daju gaw hpa n rawng ai, akrin akraw, asan awan rai nga ai: shi a minla byaw mat nna, lahput gari ahkawk ai hte, nshang yawng gawng kya nna, myi man nlang hkrit ai hte chyang mat ma ai.

NAHUM 2:10 ပူးပေါင်းရင်းမြစ်များ

NINGPAWT NINGHPANG 1:2

ginding aga gaw hkrang kata akrin akraw rai nga ai. Yawng mayawng hpe ka-up da ai dai wu kadu ai nammukdara gaw sin mak ai nsin hta rawng nga ai hte Karai Kasang a Wenyi mung hka hpung ni a ntsa e shamu hkawm nga ai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

ESAIA 14:23

Ngai gaw Babelon hpe hka ing ai shara shatai kau na nngai, u hku ni gaw dai yang hkan nga na mara ai. Ngai gaw Babelon hpe maza mala mahkra ye kau ai dun-ye hte ye kau na nngai. Chyahtum Chyalai N-gun rawng ai dai Madu Ngai nan tsun ni ai,” nga nna tsun wu ai.

ESAIA 21:3

Ngai mu ai hte na ai shingran hta shinggyim machyi ai num zawn hkam sha ai hkrit hpa lam hte nchyi nmu gaw ngai hta hpring nga li ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

YEREMIA 30:6

Ya chyawm gaw dai lam hpe jahkring da nna myit sawn yu mu! Lasha gaw ma shangai ya lu nga a ni? Shinggyim machyi ai num zawn shi a lata ni hte shi a kan ntsa e jum tawn da ai lasha shagu hpe hpa majaw ngai mu a ta? Masha shagu hpa majaw nsam dai daram sum nga ma ta?

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

YEREMIA 51:62

Dai hpang, nang gaw, ‘Madu e, ndai shara hta masha mung, yam nga mung n shanu nga lu hkra htani htana shingran katsi ai zaibru jang zawn shatai kau nna, ndai shara hpe jahten kau na lam, nang tsun nit dai,’ ngu nna hpyi jahtau u.

YEREMIA 8:21

Nye a amyu masha ni agrawp mani mat ma ai majaw, nye a myit masin mung agrawp mani mat ni ai; Ngai yawn nga nngai; ngai gaw tsep kawp hkrit gari mak mat nngai.

EZEKELA 21:7

Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai Madu nan tsun wu ai.

EZEKELA 31:15

Ndai gaw Tsaw Htum ai dai Madu tsun ai mungga rai nga ai: “Dai hpun gaw katsan ga de yu wa ai shani e, sharung shayawt ai kumla hku nna mungkan kata tsang na hka ni hte dai hpun hpe kaput kau shangun na nngai. Ngai gaw hka nu ni hpe dim da nna hka shi law law hpe mung n lwi shangun na nngai. Dai hpun si mat sai majaw, ngai gaw Lebanon Bum ni a ntsa e nsin sin shangun nna maling htinggram na hpun ni yawng hpe mung nyui kau shangun na nngai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

YOELA 2:6

Shanhte shani sa wa yang, masha shagu hkrit gari ma ai; masha shagu a myi man chyang mat ma ai.

NAHUM 2:2

(Israela a gumlau hpyen ni shi a mungdan hpe garai n hpya kau ai aten na zawn, dai Madu gaw Israela a hpung shingkang hpe bai jaw ya na hkyen nga ai.)

NAHUM 3:7

Nang hpe mu ai ni yawng, hpang de htingnut mat na mara ai. Shanhte gaw, ‘Ninewe gaw hten run taw nga sahka! shi a matu kadai wa matsan yu dum nga a ta? Shi hpe kadai shalan shabran kam nga a ta?,’” nga nna tsun na mara ai.

ZEHPANI 3:6

Dai Madu gaw, “Ngai gaw amyu baw ting hpe la kau na we ai. Shanhte a mare ni hpe ngai jahten kau nna shanhte a mare bunghku ni hte langchyi ni hten ngam nga manu ai. Shanhte a mare ni katsi katsang rai mat nna, mare lam ni hta masha n lai ai hte dai mare e kadai sha pyi ngam nga na ra ai n rai.

YAWSHU 2:11

Anhte shing re ai lam hpe na ga ai shaloi jang pyi hkrit gari nga saga ai; nanhte a lam na ga ai majaw anhte yawng myit daw mat saga ai. Dai Madu nanhte a Karai Kasang chyawm gaw sumsing lamu lahta tang hta mung, ndai ginding aga ntsa e mung Karai Kasang rai nga ai.

YAWSHU 7:5

Ai masha ni chyawm gaw shanhte hpe hkan shachyut let mare chyinghka kaw nna yu wa ai kadawng lam dingyang amyu masha marai sumshi kru hpe sat kau ma ai. Dai hpang Israela masha ni myit htum mat ai hte hkrit gari mat ma ai.