NAHUM 1:9 - Jinghpaw Common Language Bible 2009

⁹ Nanhte gaw Madu hpe ninghkap na hpa baw maw mawn nga myit ni? Shi gaw nang hpe jahten shaza kau na ra ai. Kadai mung shi hpe kalang mi hta jan nna ninghkap lu ai n rai.

Jinghpaw Hanson Version Bible

⁹ Nanhte gaw Yehowa hpe hpa lam hpaji daw myit ta? shi gaw htum hkra shamyit kau na myit dai: sharu shatsang ai lam bai pru lu na n rai.

NAHUM 1:9 ပူးပေါင်းရင်းမြစ်များ

2 SAMUELA 20:10

Lata maga mi de Yoab lang da ai nhtu gaw Amasa hpe hpa di na zawn n nawn da wu ai majaw, Yoab gaw shi a kan galun baw dat wu yang, pu kan ni ga ntsa de hkrat ayai mat hkra rai nga ai; shaloi shi akajawng sha si mat wa ai rai nna bai n kahtap galun ra mat wu ai. Dai hpang Yoab hte shi a kanau Abishai yan gaw Sheba hpang de matut shachyut mat wa wu ai.

SHAKAWN KUNGDAWN 21:11

Shanhte gaw shanhte a yaw shada ai lam ni hpe galaw nhtawm; n hkru ai hku shi hpe maw mawn ma ti mung, shanhte awng dang wa na mara ai n rai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 28:22

Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

YEREMIA 51:64

‘Dai Madu gaw Babelon mung a ntsa e jahten shaza ai amu shabyin na ra ai majaw, dai laika shabawn lup mat nna, galoi mung bai waw lung wa na ra ai n rai. Dai lam Babelon mung hta byin wa na ra ai,’” ngu nna tsun wu ai. Yeremia a mungga ni ndai yang e htum sai.

EZEKELA 21:5

Masha shagu hte gaw dai Madu ngai nan nye a nhtu shaw sai hte dai hpe nhtu n-ga de bai bang kau na n rai nga ai hpe chye wa na mara ai.

EZEKELA 7:5

Da ndai gaw Tsaw Htum ai dai Madu tsun nga ai ga rai nga ai: “Tsin-yam tsindam gaw na a ntsa e langai a hpang langai kahtap kala du nga ai.

HOSEA 7:15

Ngai gaw shanhte hpe pawn ba ai hte n-gun shaja ya ai wa rai tim pyi, shanhte ngai hpe gumlau ma ai.

NAHUM 1:11

Ninewe e, nang kaw nna dai Madu hpe gumlau maw mawn na tara n lang ai hku hpaji daw ai masha langai paw pru nga sai.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

1 SAMUELA 26:8

Abishai gaw Dawi hpe, “Karai Kasang gaw na a gumlau hpyen wa hpe na a lata hta dai na ap ya ra ai. Dai rai nna shi a nri hte nan aga de hkrang hkra kalang lata shi hpe galun htinggrang kau we ga, lahkawng lang pyi n kahtap ra na nngai!,” ngu nna tsun wu ai.

1 SAMUELA 3:12

Dai shani e, Eli a dinghku hpe ninghkap na matu, ngai jahkrit shama ai lam yawng nnan hpang ai kaw nna ngut kre ai aten du hkra ngai shapraw dan na we ai.