NAHUM 1:6 - Jinghpaw Common Language Bible 2009

⁶ Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

Jinghpaw Hanson Version Bible

⁶ Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

NAHUM 1:6 ပူးပေါင်းရင်းမြစ်များ

1 HKAWHKAM 19:11

Dai Madu gaw shi hpe, “Pru sa nhtawm bum pungding ntsa nye a man e tsap nga u,” ngu nna tsun wu ai. Dai Madu lai wa nna kawng ni hpe ga ayai kau ai hte, lunghkrung ni hpe agrawp kau shangun ai nbung bungga hpe dat dat wu ti mung, dai Madu gaw nbung hta lawm nga ai n rai. Dai nbung sim mat ai hpang nnang nawn nawn wa ti mung dai Madu gaw nnang nawn nawn ai hta lawm nga ai n rai.

YOBA 26:11

Sumsing lamu hpe madi da ai shadaw ni hpe shi daru dat yang, dai ni hkrit gari ai hte ashun awam rai nga ai.

YOBA 40:11

Gumrawng gumtawng ai ni hpe mada yu u; na a pawt sindawng ai hpe ru shapraw nna, dai ni hpe shagrit kau u.

YOBA 9:5

Shi gaw n shadum ai sha bum ni hpe sit kau nhtawm, shi pawt ai aten hta dai ni hpe jahten sharun kau nga ai.

SHAKAWN KUNGDAWN 130:3

Lama rai nna, anhte a yubak ni hpe ka matsing da ai rai yang; kadai wa mara daw dan ai kaw nna hprawng lawt lu na rai nga a ta?

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 76:8

Ga ntsa e, dip gamyet sha hkrum ai ni yawng hte hpe hkye hkrang la na matu, tara dara ai lam hpe daw dan na nang rawt tsap wa ai shaloi; mungkan ga gaw hkrit ai hte atsin sha nga nga nu ai. Nang gaw na a tara dara ai lam sumsing lamu kaw nna chye shangun nga ndai.

SHAKAWN KUNGDAWN 90:11

Na a n-gun hte hpring ai pawt sindawng ai hpe kadai wa hkam sha yu nga a ni? na a ja la ai masin kahtet ai lam gaw kade daram hkrit kahpra shangun nga ai hpe kadai wa chye ya lu nga a ni?

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 27:4

Ngai gaw sabyi sun hpe pawt sindawng nga sana n rai, Dai sun hta ju hpun ni hte tsing ni hkap daw nga ai rai yang, dai ni hpe ngai atsai awai nat kau na we ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

EZEKELA 21:31

Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.

EZEKELA 30:16

Ngai gaw Egutu mung hpe wan nat dat na nngai, Pelusim gaw tsin-yam tsindam hkrum na ra ai. Thebe mare bunghku ni agrawp daw kau hkrum ai hte mare gaw hka mawru e kaput, kau hkrum na ra ai.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

ZEHPANI 2:2

nanhte gaw nbung e shapoi kau hkrum ai numhkaw zawn garai n gawt kau hkrum ai hte dai Madu a masin kahtet ai gaw garai n hkru ai sha nanhte a ntsa de garai n du ai hte shi a sindawng kahtet ai hpe madun ai shani garai n du yang, nanhte a n hkru ai lam hpe hpyi nem nga mu.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.

SHINGRAN 16:8

Bai, mali ngu na lamu kasa gaw shi a gawm hpe jan hta ru bun dat wu ai. Shaloi jan gaw masha ni hpe ja la ai kang kahtet ai hte hkru jahkat kau na ahkang lu la wu ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.