NAHUM 1:5 - Jinghpaw Common Language Bible 2009

⁵ Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

Jinghpaw Hanson Version Bible

⁵ Shi a majaw bum ni ashun awam nna, kawng ni byawng mat nga ai; lamu ga gaw, gaja wa, mungkan ga hte dai hta nga manga yawng, shi a man e shamu nga ma ai.

NAHUM 1:5 ပူးပေါင်းရင်းမြစ်များ

2 SAMUELA 22:8

Shaloi ginding aga gaw gari ashun nna awam nga ai; Karai Kasang masin pawt ai majaw sumsing lamu a npawt ni kangi kanga rai nna ashun awam nga ai!

YOBA 26:11

Sumsing lamu hpe madi da ai shadaw ni hpe shi daru dat yang, dai ni hkrit gari ai hte ashun awam rai nga ai.

YOBA 9:5

Shi gaw n shadum ai sha bum ni hpe sit kau nhtawm, shi pawt ai aten hta dai ni hpe jahten sharun kau nga ai.

SHAKAWN KUNGDAWN 104:32

Lamu ga hpe shi mada yu ai hte dai ni gari wa nga ai; bum ni hpe shi ahtawk dat wu ai shaloi, dai kaw na wan hkut ni pru wa nga ai.

SHAKAWN KUNGDAWN 114:4

Bum ni gaw bainam ni zawn gumlawt nga nna; kawng ni gaw sagu kasha ni zawn gumlawt hkawm nga ma ai.

SHAKAWN KUNGDAWN 114:6

Bum ni e, nanhte hpa majaw bainam ni zawn gumlawt gumtawng nga myit ni? Kawng ni e, nanhte hpa majaw sagu kasha ni zawn shingtawt hkawm nga myit ni?

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 68:8

mungkan ga gaw gari ashun wa ai hte lamu na marang htu wa nga ai; hpa majaw nga yang, Sina bum a Karai Kasang rai nga ai Israela a Karai Kasang du sa wa ai majaw rai nga ai.

SHAKAWN KUNGDAWN 98:7

Panglai hte dai hta rawng ai hkrung mahkrung yawng hte e, marawn kashaw nga mu; mungkan ga hte dai hta shanu nga ai ni yawng hte e, shi hpe mahkawn mangoi nga mu!

PRU MAT 19:18

Dai Madu gaw bum ntsa de wan hte yu hkrat wa ai majaw Sina Bum ting hta wan hkut hte ka-up da nga ai. Dai wan hkut gaw wan htung na wan hkut zawn mawng lung nga ai rai nna amyu masha ni ja ja hkrit gari nga ma ai.

ESAIA 24:1

Dai Madu gaw ginding aga hpe agrawp mani kau na ra ai. Dai hpe katsi katsang di kabai tawn da na ra ai. Shi gaw ga man hpe galau ka-up kau nna dai hta nga ai masha ni hpe shabra kau na ra ai.

ESAIA 24:20

Ginding aga shi nan gaw chyaru nang ai wa zawn ndi nda rai nna, nbung laru kata na yihkyap kanga ai zawn, rai mat na ra ai. Mungkan ga gaw shi a shut hpyit ai yubak ni hta li nga ai; dai gaw kazut taw mat nna galoi mung bai rawt lu na ra ai n rai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

EZEKELA 38:20

Hka na nga hte ntsa malen u shagu mung, dusat yam nga kaji kaba shagu hte ginding aga ntsa e nga ai shinggyim masha shagu hte gaw ngai hpe hkrit gari na mara ai. Bum ni mung daw mat nna, ninggam ni ru hkrat wa ai hte mare bunghku shagu mung kadawng daw mat na ra ai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

AMO LAIKA (AMOS) 9:5

Chyahtum Chyalai N-gun rawng ai Tsaw Htum ai dai Madu gaw ginding aga hpe ahtawk hkra dat ai hte dai gaw ashun nga ai; dai hta nga ai ni yawng sharung shayawt nga ma ai. Mungkan ga ting gaw Nila hka nu zawn rawt tung wa nna kyet mat nga ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.

SHINGRAN 6:14

Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.

TARA AGYI 5:5

Bum ni gaw Sina Bum e nga ai dai Madu a man e mung, dai Madu Israela a Karai Kasang a man e mung gari ashun nga ai.