NAHUM 1:4 - Jinghpaw Common Language Bible 2009

⁴ Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

Jinghpaw Hanson Version Bible

⁴ Shi gaw nammukdara hpe daru nna, shahkyet kau wu ai; hka nu ni yawng hpe, hkyet kan mat shangun wu ai: Bashan hte Hkarmela bum gaw nyip nyui mat ma ai; Lebanon apu mung, hkraw mat nga ai.

NAHUM 1:4 ပူးပေါင်းရင်းမြစ်များ

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

2 SAMUELA 22:16

Dai Madu gaw shi a gumlau hpyen ni hpe daru kau nna, masin pawt let shanhte hpe shabam dat wu yang; panglai hka a htumpa ni dawng pru wa nna, ginding aga a npawt nhpang ni dan pru nga ai.

YOBA 38:11

Ngai gaw dai hpe, “Ndai kaw sha du, htawra kaw nna n lai lu! Ndai yang e na a n-gun kaba rawng ai hka leng ni sim mat lu na,” ngu nna tsun nngai.

SHAKAWN KUNGDAWN 104:7

Nang gaw hka ni hpe daru kau dat ai shaloi, dai ni tse rai yawng mat wa nna; nang jahtau tsun ai mungga hpe dai ni na ai shaloi, lawan wan lwi agre mat wa nga ma ai.

SHAKAWN KUNGDAWN 106:9

Shi Nawng Hkyeng hpe hkang dat ai hte dai gaw hkyet mat nga ai; shing rai, shi a amyu masha ni hpe hkun hkraw nga ai ga ntsa hku woi rap mat wa nu ai.

SHAKAWN KUNGDAWN 114:3

Nawng Hkyeng gaw dai hpe mu nna hprawng mat wa ai; Yawdan hka nu mung lwi nga ai kaw nna hkring mat nga sai.

SHAKAWN KUNGDAWN 114:5

Panglai e, nang hpa majaw hprawng mat n ni? Yawdan hka nu e, nang hpa majaw lwi nga ai kaw nna hkring mat n ni?

SHAKAWN KUNGDAWN 18:16

Madu gaw matsaw ntsa kaw na ngai hpe sai la nu ai; shi gaw ngai hpe sung ai hka kata kaw nna gang shaw la nu ai.

SHAKAWN KUNGDAWN 74:15

Hka deng ni hte hka hpawk ni hpe nang shalwi dat nna, hka nu kaba ni hpe nang jahkraw kau nga ndai.

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

ESAIA 44:27

Hkang da ai ga hte maren, ngai gaw nammukdara hpe jahkyet nngai.

ESAIA 51:10

Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

EZEKELA 38:20

Hka na nga hte ntsa malen u shagu mung, dusat yam nga kaji kaba shagu hte ginding aga ntsa e nga ai shinggyim masha shagu hte gaw ngai hpe hkrit gari na mara ai. Bum ni mung daw mat nna, ninggam ni ru hkrat wa ai hte mare bunghku shagu mung kadawng daw mat na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 5:8

Dai Madu gaw Kru Majan hte Nhtoi Gintawng shagan ni hpe hpan da nga sai. Shi gaw nsin hpe shani nhtoi, shani hpe shana kayin kau nga ai. Shi gaw panglai hka ni hpe shaga dat nna dai ni hpe ginding aga ntsa e ru dat nga ai. Shi a amying shingteng gaw dai Madu rai nga ai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

YAWSHU 3:16

lwi nga ai hka gaw hkring mat nna grai tsan ai Zarehtan makau na Adam mare du hkra sumpum tsaw mat wa nga ai. Jum Nawng de lwi yu wa ai hka mung tsep kawp hkyet mat ai rai nna amyu masha ni mung Yerihko mare ang ang hku rap sa wa ma ai.