NAHUM 1:2 - Jinghpaw Common Language Bible 2009

² Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

Jinghpaw Hanson Version Bible

² Yehowa gaw nsu nnawn myit rawng nna, matai htang ai Karai Kasang rai nga ai; Yehowa gaw n-yun bu let matai htang nga ai: Yehowa gaw, hkap daw ai ni hpe matai htang nga nna, hpyen ni a matu ari ahpri kyem da nga ai.

NAHUM 1:2 ပူးပေါင်းရင်းမြစ်များ

YOBA 20:23

Shanhte ra ai yawng sha mu ga! Karai Kasang gaw shanhte hpe masin kahtet pawt sindawng ai hte ari jaw na ra ai.

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

PRU MAT 34:14

Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

PRU MAT 34:7

Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,” ngu nna tsun wu ai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

ESAIA 66:15

Dai Madu gaw wan hte rau du sa wa na ra ai. Shi gaw shi pawt sindawng ai ni hpe ari jaw na matu nbung laru a singkaw ni a ntsa e jawn sa wa na ra ai.

YEREMIA 25:15

Dai Madu Israela a Karai Kasang gaw ngai hpe, “Ndai sabyi gawm hta nye a pawt sindawng ai hte jahpring da u. Dai hpe ngai nang hpe shangun dat ai masha amyu baw ni yawng hpang de la sa nna, dai gawm kaw na shanhte hpe lu shangun u.

YEREMIA 28:8

Nang hte nye a aten garai n du ai shawng e, moi shawng na myihtoi ni gaw masha amyu law law ni hte n-gun ja ai mungdan ni hta hpyen majan, kawsi hpang gara ai hte ana zinli ni byin pru wa na lam htoi da masai.

YEREMIA 3:5

Nang gaw tut nawng masin pawt ai n rai; nang gaw ngai hpe htani htana mana shachyoi nga ai n rai,’ ngu nna tsun ai. Israela e, dai hku nang tsun nit dai, rai ti mung nang dang galaw ai n hkru ai amu yawng hpe nang galaw ndai.”

YEREMIA 36:7

Dai Madu gaw ndai amyu masha ni hpe shi a hkrit hpa pawt sindawng ai hte myit kahtet let jahkrit shama nu ai majaw, shanhte gaw n hkru n shawp ai amu kaw na kayin wa nhtawm dai Madu hpe akyu hpyi dam wa ma nhten.”

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

YEREMIA 50:15

Mare grup yin yawng hkan e majan nsen sharawt mu! Ya chyawm gaw Babelon mung hkrat sum mat sai. Shi a mare bunghku ni daw agrawp mat nna run mat nu ai. Ngai gaw Babelon masha ni hpe matai dawp nga nngai majaw, nanhte mung matai dawp la mu, shanhte gaw kaga ni hpe di kau mu ai hte maren, shanhte hpe mung di mu.

SHARUNG SHAYAWT 4:11

Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

EZEKELA 36:6

“Dai rai nna, Israela mung hte seng nna myihtoi htoi u: masha amyu baw ni shanhte hpe n kaw n law di kau mu ai hte kaya kahpa jahkrum ma ai majaw, Tsaw Htum ai dai Madu ngai nan myit na machyi nna sindawng kahtet ai hte tsun nga ai ga ni hpe bum ni hte kawng ni hpe mung, hkraw hkamwam ni hte kadit ni hpe htawn tsun u.

EZEKELA 38:18

Tsaw Htum ai dai Madu gaw, “Israela hpe Goga shang gasat ai shani e, ngai gaw sindawng kahtet ai wa tai na ring ngai.

EZEKELA 38:19

Nye a sindawng kahtet ai shani e, Israela mungdan hta laja lana re ai nnang nawn kaba nawn wa na ra ai, ngu nna ngai tsun nga nngai.

EZEKELA 39:25

Tsaw Htum ai dai Madu gaw, “Rai ti mung, Yaku a aru arat ni rai nga ai Israela amyu masha ni hpe ya ngai matsan dum la nna, shanhte hpe kalang mi bai ngamu ngamai shangun na nngai. Nye a chyoi pra ai mying ningsang hpe mung ngai maga na nngai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

YOELA 2:18

Dai hpang, dai Madu gaw shi a mungdan a matu myit ru tsang ai lam madun dan nu ai; shi gaw shi a amyu masha ni hpe matsan yu dum nga ai.

JAW JAU 26:28

nanhte hpe ngai pawt sindawng ai hte nhtan shai ai hku galaw nna shawng na hta grau sawng ai yubak ari htam sanit bai jaw na made ai.

MIHKA 5:15

Nye a ja la ai masin kahtet ai a majaw, nye a ga n madat n mara nga sai masha amyu baw ni yawng a ntsa e ngai matai htang na we ai,” ngu nna tsun ai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

ZEHKARIA 1:14

lamu kasa mung Chyahtum Chyalai N-gun rawng ai dai Madu ning nga tsun ai ga hkaw tsun na matu ngai hpe tsun wu ai: “Ngai gaw nye a chyoi pra ai Yerusalem hpe ngai dik hkra tsaw ra ai hte myit tsang nngai,

ZEHKARIA 8:2

“Nye a amyu masha ni hpe grai wa tsaw ra ai hte ngai hpe shi a gumlau hpyen ni hte masin pawt shangun hkra re ai tsaw ra myit a majaw, ngai gaw Yerusalem hpe karum la na matu marit nga ni ai.

BU HKAWM 25:11

Hpineha galaw kau nu ai amu a majaw, Israela amyu masha ni hpe ngai masin pawt na ni ai n rai. Ngai hta lai kaga hpara shaje nawku na shi n hkraw wu ai majaw nye a masin pawt ai hte shanhte hpe shamyit kau nga nngai n rai.

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

ROMA 13:4

Hpa majaw nga yang, shi gaw na a akyu ara a matu mara, Karai Kasang a shangun ma rai nga ai. Rai ti mung nang n hkru n kaja ai amu galaw n yang gaw, shi hpe hkrit kang nga u, hpa majaw nga yang, shi gaw ari jaw lu ai magam atsam ahkang aya, kaja wa hkrak lu ai wa rai nga ai. Shi gaw Karai Kasang a shangun ma rai nna n hkru n kaja ai bungli galaw ai ni hpe Karai Kasang a jeyang daw dan ai ari jaw na rai nga ai.

TARA JAHPRANG 4:24

hpa majaw nga yang, dai Madu nanhte a Karai Kasang gaw grung nga ai wan shinglet zawn rai nna shingjawng kashun ai ni hpe yu matsan dum nga ai n rai.

TARA JAHPRANG 7:10

rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

HEBRE 10:30

Hpa majaw nga yang, “Ngai matai htang na mawe ai, nga nna mung, yubak a shabrai hpe ngai hteng ya na nngai,” nga nna mung, bai dai Madu gaw shi a amyu masha ni hpe tara daw dan na ra ai, nga nna mung, tsun ai wa gaw kadai re ai hpe anhte chye ga ai.

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.