NAHUM 1:14 - Jinghpaw Common Language Bible 2009

¹⁴ Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

Jinghpaw Hanson Version Bible

¹⁴ Na a matu mara htawm hpang de matut lu na n rai, nga nna Yehowa na a lam hkang da sai: tawk ai sumla hte jaw ai sumla hpe, na a hpara ni a nta na, ngai jahtum kau na nngai: nang n hpru n mai rai nga ndai majaw, na a lup ngai galaw na nngai.

NAHUM 1:14 ပူးပေါင်းရင်းမြစ်များ

2 HKAWHKAM 19:37

Lani mi na aten hta shi gaw shi a karai Nisrok a htingnu kata hta nawku nga yang, shi a kasha Adramelek hte Shareze yan gaw shan a nhtu hte shi hpe kahtam sat kau nna Ararat mung de hprawng mat wa wu ai; kaga shi a shadang sha ngu na Esahadon mahtang shi a tingnyang hta hkawseng hku nna hkaw dung nga ai.

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

YOBA 18:17

Shanhte a dan hkung ai gaw nta hta mung, sumtsan shara hta mung mat mat nna, shanhte hpe galoi mung adum nga na mara ai n rai.

SHAKAWN KUNGDAWN 109:13

Shi a aru arat ni yawng hte mung si mat mu ga; shi a mying hpe hpang ban prat hta n dum shajang mu ga.

SHAKAWN KUNGDAWN 71:3

Nye a shim ai shingbyi shara hte n-gun ja ai hpyen dap tai nga nna, ngai hpe makawp maga la e; nang gaw nye a shingbyi shara hte dahpran shara rai nga ndai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

GA SHAGAWP 10:7

Mai kaja ai masha ni gaw shaman chyeju langai zawn, matsing da ai hkrum nga ma ai; tara n lang ai masha ni chyawm gaw, loi hkring mi rai jang, malap kau ai hkrum na mara ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 33:13

Ni ai tsan ai shara hkan nga ai masha shagu hte gaw ngai galaw ni ai amu hpe na la mu ga, nye a daru magam n-gun hpe yin la mu ga,” ngu nna tsun wu ai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

Daniela 11:21

Dai lamu kasa gaw matut nna ning ngu sanglang dan wu ai: “Hkawhkam tai na ahkang n lu ai dai n hkru ai masha langai mi gaw hpang e galai ai Suri hkawhkam tai na ra ai; rai ti mung shi gaw n dum n mi re ai aten hta du sa wa nna, hkalem hkalau ai ga hte daru magam n-gun hpe magra jum da na ra ai.

Daniela 5:27

Shen dingdaw ai: Nang hpe joi hta shen yu yang, namnak nau wa tsang mat nit dai;

JAW JAU 26:30

Kawng ntsa hkan na nanhte a nawku shara ni hpe ngai jahten sharun kau nhtawm nanhte a manam pyaw ai baw nat nawng ai tawn hkungri ni hpe hpya kau let agrawp taw nga ai hpara sumla ni a ntsa e nanhte a si mang ni hpe kabai mara da na we ai.

MIHKA 5:13

Ngai gaw nang tawk da ai hpara sumla ni hte chyoi pra ai nlung shadaw ni hpe jahten kau ya na nngai; htawm hpang de na a lata hte galaw ai arai ni hpe nang galoi mmung nawku lu na ra ai n rai.

MIHKA 5:14

Ngai gaw na a mung na Asherim nat shayi hpara sumla ni hpe baw kau nna na a mare ni hpe jahten sharun kau na we ai.

HABAKU 2:10

Rai ti mung nanhte a maw mawn ai lam ni gaw nanhte a dinghku hpe kaya kahpa jahkrum kau myit dai; Nanhte gaw masha amyu baw law law hpe jahten shaza ai hku nna tinang hkum hpe sha jahten sharun la shangun nga manit dai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.