NAHUM 1:10 - Jinghpaw Common Language Bible 2009

¹⁰ Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

Jinghpaw Hanson Version Bible

¹⁰ Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

NAHUM 1:10 ပူးပေါင်းရင်းမြစ်များ

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

SHAKAWN KUNGDAWN 118:12

Shanhte gaw lagat ni zawn, ngai hpe ginjup shatsang nga ma ti mung; ju hpun hkru ai wan zawn, shanhte tin tin hkru krawp mat nga ma ai. Dai Madu a n gun atsam hte ngai shanhte hpe shamyit kau nngai.

SHAKAWN KUNGDAWN 68:2

Wan hkut mawng mat wa ai zawn, shi shanhte hpe gawt kau mu ai; gitbaw gaw wan a man e byawng mat ai zawn, tara n lang ai ni Karai Kasang a man e hten byak mat nga ai.

PRU MAT 15:7

Hpung shingkang hte hpring ai padang ninglaw hte na a gumlau hpyen ni hpe jahten kau nna na a pawt sindawng ai gaw kahtet pru wa ai hte yihku zawn shanhte hpe hkru kau mu ai.

PRU MAT 5:12

Dai rai nna amyu masha ni gaw yihku tam bram la na nga, Egutu mung ting de pru hkawm nga ma ai.

ESAIA 27:4

Ngai gaw sabyi sun hpe pawt sindawng nga sana n rai, Dai sun hta ju hpun ni hte tsing ni hkap daw nga ai rai yang, dai ni hpe ngai atsai awai nat kau na we ai.

ESAIA 47:14

“Shanhte gaw yihku ahkyep alep ni zawn tai mat na mara ai, wan gaw shanhte hpe hkru kau na ra ai! Shanhte gaw tinang a hkum ni hpe pyi hkye la lu na ma ai n rai, wan shinglet ni shanhte a matu nau kahtet na ra ai, shanhte a hkum hpe shalum na matu lum lum re ai wan pyi nga na n rai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

ESAIA 9:18

Amyu masha ni a tara n lang ai amu gaw ju sumwum hte ju hpun ni hpe hkru kau ai wan hte bung nga ai. Dai gaw wan hkut shadaw shalun dat ai maling htinggram wan zawn jahkru kau nga ai.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

NAHUM 3:11

Ninewe e, nang mung ndum ndam chyaru nang ai wa zawn kadang mat wa na ra ai! Nang gaw na a gumlau hpyen ni a lata kaw na hprawng lawt lu hkra shakut wa na rin dai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

1 SAMUELA 25:36

Abigala mung hkawhkam wa a matu lusha poi galaw ai zawn shi a nta e poi galaw nga ai Nabala hpang de nhtang wa wu ai. Shi gaw chyaru nang nna grai pyaw nga ai majaw, hpang jahpawt du hkra hpa n tsun ai sha nga nga wu ai.