NAHUM 1:1 - Jinghpaw Common Language Bible 2009

¹ Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

Jinghpaw Hanson Version Bible

¹ Ninewe mare hpe lakap nna tsun ai myihtoi ga: Elkosha masha Nahum a shingran laika da ndai rai nga ai.

NAHUM 1:1 ပူးပေါင်းရင်းမြစ်များ

NINGPAWT NINGHPANG 10:11

Dai mung kaw nna Asuri mung de shi sa wa nhtawm Ninewe, Rehubut Ira, hte Hkala mare ni hpe mung,

2 HKAWHKAM 19:36

Dai hpang Asuri Hkawseng Senahkerib gaw htingnut mat wa nna Ninewe mare de nhtang mat wa nu ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

ESAIA 14:28

Ndai gaw Hkawhkam Ahaza si ai shaning hta pru wa ai mungga rai nga ai.

ESAIA 15:1

Ndai gaw Moba hte seng ai mungga rai nga ai. Ara hte Kira mare ni gaw lana mi hta sha jahten kau hkrum nga ai, Moba mung hta katsi katsang shara tai nga ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 21:1

Ndai gaw Babelon mung hte seng ai mungga rai nga ai. Zaibru jang hpe lai di nna bung wa ai bung hpoi zawn, tsin-yam tsindam gaw hkrit na zawn re ai mung kaw nna sa wa na ra ai.

ESAIA 22:1

Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

ESAIA 23:1

Ndai gaw Turu hte seng ai mungga langai rai nga ai. Nammukdara ntsa na sanghpaw masha ni e, yawn hkyen ai hte sharung nga mu! Na a buga Turu sanghpaw daru hten za mat sai; De a nta ni hte sanghpaw danam ni hten run mat nga sai. Na a sanghpaw ni Kupru kaw na nhtang wa yang, dai shiga hpe nang na nga sai.

YEREMIA 28:8

Nang hte nye a aten garai n du ai shawng e, moi shawng na myihtoi ni gaw masha amyu law law ni hte n-gun ja ai mungdan ni hta hpyen majan, kawsi hpang gara ai hte ana zinli ni byin pru wa na lam htoi da masai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

NAHUM 2:8

Namhpai jahten kaw na hka zawn, masha ni gaw Ninewe kaw na hprawng pru wa ma ai! “Hkring mu! Hkring mu!,” ngu nna hkan jahtau ti mung, kadai mung nhtang kayin yu ma ai n rai.

HABAKU 1:1

Ndai mungga gaw dai Madu myihtoi Habaku hpe madun dan sai lam ni rai nga ai.

ZEHPANI 2:13

Dai Madu gaw Asuri mungdan hpe shaza kau na matu shi a daru magam n-gun lang wa na ra ai. Shi gaw Ninewe mare hpe shingran katsi ai shara hte hkun hkraw ai zaibru jang shatai kau na ra ai.

ZEHKARIA 9:1

Ndai gaw dai Madu a mungga rai nga ai: Shi gaw Hadrak mung hte Damasku mare hpe ari jaw na matu daw dan nu ai. Israela amyu bawsang ni sha n rai, Suri mung a mare daju hpe mung dai Madu madu da nga ai.

MALAHKI 1:1

Ndai gaw Israela amyu masha ni hpe htawn tsun dan na matu, dai Madu Malahki hpe jaw ya ai mungga rai nga ai.