MIHKA 7:9 - Jinghpaw Common Language Bible 2009

⁹ Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

Jinghpaw Hanson Version Bible

⁹ Ngai gaw Yehowa hpe shut nngai majaw, shi nye a amu a lam tsun nna, ngai hpe dawdan ai shani du hkra, shi a pawt sindawng ai hpe, ngai hkam mana na nngai: shi ngai hpe nhtoi de bai shapraw nna, shi a dinghpring ai lam ngai mu mada na nngai.

MIHKA 7:9 ပူးပေါင်းရင်းမြစ်များ

2 SAMUELA 24:17

Dawi gaw amyu masha ni hpe sat ai lamu kasa hpe mu jang, dai Madu hpe, “Ngai gaw mara lu ai wa rai nga nngai. Mara galaw shut kau ai wa mung rai nga nngai. Ndai matsan mayan re ai amyu masha ni mahtang hpa baw galaw shut kau nga ma ni? Ngai hte nye a dinghku masha ni hpe mahtang nang ari jaw ang nga ndai,” ngu nna tsun wu ai.

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

YOBA 35:14

Yoba e, nang gaw Karai Kasang hpe n mu lu nngai nga nna tsun ti mung, hkam sharang ai hte ala nga ndai-na a amu gaw shi a man e rai nga ai.

SHAKAWN KUNGDAWN 119:154

Ngai hpang maga de tsap nna nye a amu hpe jeyang ya e; na a ga sadi nga ai hte maren, ngai hpe hkye hkrang la e.

SHAKAWN KUNGDAWN 37:6

Na a ding man ai lam hpe jan pungding shingkang zawn, shi shapraw dan na ra ai.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 7:6

Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

SHAKAWN KUNGDAWN 94:15

Tara rung ni hta teng man ai lam hpe bai mu lu wa na ra ai; ding hpring ai masha ni yawng hte mung dai lam hpe madi shadaw na mara ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

YEREMIA 10:19

Yerusalem amyu masha ni gaw, “Anhte machyi hkrum ai hkala nba gaw kade wa sawng nga a hka! Anhte a nma ni tsi shamai lu na ra ai n rai. Ndai hkrum ai ari hpe lam lama ma hku nna anhte hkam lu na ga ai ngu, anhte myit nawn nga ga ai!

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 51:10

Dai Madu gaw, “Nye a amyu masha ni e, ‘Anhte ding hpring nga ga ai gaw dai Madu madun dan nu ai. Dai Madu anhte a Karai Kasang hpa galaw nu ai lam Yerusalem hta nga ai amyu masha ni hpe sa tsun dan saga,’” ngu nna jahtau ma ai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

1 SAMUELA 24:15

Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.

1 SAMUELA 25:39

Nabala si mat sai shiga hpe Dawi na ai shaloi, shi gaw, “Dai Madu hpe shakawn mu! Shi gaw ngai hpe n kaw n law di ai Nabala hpe matai dawp nu ai hte shut hpyit amu galaw shapraw na shi a shangun ma ngai hpe mung hkum kau nu ai. Dai Madu gaw shi galaw ai n hkru ai amu a majaw Nabala hpe ari jaw kau nu ai,” ngu nna tsun wu ai. Dai hpang, Dawi gaw Abigala hpe hkungran la na matu kasa langai shangun dat wu ai.

1 SAMUELA 26:10

Dawi gaw, “Dai Madu ahkrung nga ai hte maren, dai Madu nan Shawlu hpe sat kau na ra ai; shing n rai shi a aten du jang, shingra htung hte maren si na ra ai, shing n rai, majan hta si mat na ra ai.

1 SAMUELA 3:18

Dai rai nna, Samuela gaw lama mi mung n ip da ai sha, shi hpe lam magup tsun dan wu ai. Eli chyawm gaw, “Shi gaw dai Madu rai nga ai; shi hta kaja htum ai hku shi galaw na ra ai,” ngu nna tsun ai.