MIHKA 7:7 - Jinghpaw Common Language Bible 2009

⁷ Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

Jinghpaw Hanson Version Bible

⁷ Ngai chyawm gaw, Yehowa hpe a mada nga na nngai; ngai e hkye hkrang la ai Karai Kasang hpe, ngai ala nga na nngai: nye a Karai Kasang gaw, ngai hpe madat na ra ai.

MIHKA 7:7 ပူးပေါင်းရင်းမြစ်များ

NINGPAWT NINGHPANG 49:18

“Madu e, ngai gaw na a hkye hkrang la ai lam hpe ala nga nngai.

SHAKAWN KUNGDAWN 109:4

Ngai shanhte hpe tsaw ra ai hte shanhte a matu akyu hpyi ya tim pyi, shanhte ngai hpe ninghkap nga ma ai.

SHAKAWN KUNGDAWN 130:5

Ngai gaw dai Madu a karum la ai lam hpe myit mada let ala nga nngai; shi a mungga hpe ngai kam hpa nga nngai.

SHAKAWN KUNGDAWN 25:5

Na a teng man ai lam hte maren, asak hkrung nga lu na matu ngai hpe sharin ya e, nang gaw nye a Karai Kasang rai nga nna ngai hpe hkye hkrang la ai wa rai nga ndai majaw, ngai nang hta tut nawng kam hpa nga nngai.

SHAKAWN KUNGDAWN 37:7

Dai Madu a man e amu sha nga nga nna shi shabyin ya na lam hpe ala nga u; n hkru n shawp ai ni a yaw shada ai lam ni hta awng dang wa nna, ngamu ngamai wa ai ni hpe hkum yu tsang nga et.

SHAKAWN KUNGDAWN 38:15

Rai ti mung, Madu e, ngai gaw nang hpe kam hpa nga nngai; nye a Madu Karai Kasang e, nang gaw ngai hpe htan ya na rin dai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 85:5

Nang anhte hpe htani htana masin pawt nga na n ni? Na a masin kahtet ai lam galoi mung n htum mai na rai sani?

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 17:7

Dai nhtoi du ai shaloi, amyu masha ni gaw shanhte a Hpan Madu, Israela a chyoi pra ai Karai Kasang hpang de karum la na matu kayin wa na mara ai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

SHARUNG SHAYAWT 3:24

Ngai lu ai arai yawng mayawng dai Madu rai nga ai, dai rai nna shi hpe ngai myit mada nngai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

HOSEA 12:6

Dai rai nna ya chyawm gaw, Yaku a amyu matu mara ni e, nanhte a Karai Kasang hpe kam hpa nga mu; shi kaw nhtang wa mu. Teng man ai hte sadi dung nga let, nanhte a Karai Kasang galaw na amu hpe myit n yaw ai sha ala nga mu.

YOELA 1:19

Madu e, udat shara ni hte hpun ni hkraw mat nna, dai ni wan hkru mat ai majaw ngai nang hpe hpyi jahtau nngai.

HABAKU 2:1

Ngai gaw nye a langchyi ntsa de lung wa nhtawm Madu ngai hpe hpa lam tsun dan na hte nye a lajin ai ga hpe shi kaning ngu htan ya ai hpe chye lu hkra, la mada yu nga na nngai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.