MIHKA 7:5 - Jinghpaw Common Language Bible 2009

⁵ Na a htingbu ni hpe hkum kam myit; na a manang wa hpe hkum kamhpa myit; na a madu jan shing n rai madu wa a man e pyi nang hpa tsun shaga na lam sadi maja nga u.

Jinghpaw Hanson Version Bible

⁵ Htingbu htingpyen ni hpe, hkum kam myit; makyin jinghku ni hpe hkum hpa myit; tsawra madu jan a man e pyi, na n-gup pat kau u:

MIHKA 7:5 ပူးပေါင်းရင်းမြစ်များ

SHAKAWN KUNGDAWN 141:3

Madu e, nye a n-gup hta mung, nye a nten chyinghka hta mung, sin langa ni hpe tawn da ya e.

SHAKAWN KUNGDAWN 38:14

Ngai gaw na n na lu ai majaw, n htan ai na hpang wa hte bung nga nngai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

YEREMIA 9:4

Masha shagu gaw shanhte a manang ni hpe makran na rai nga ai, jinghku jingyu ni yawng gaw Yaku zawn masu hkalem chye nga ai ma ai majaw kadai mung tinang a makyin jinghku ni hpe n kam ma ai; masha shagu gaw shanhte a manang ni hpe shatan ma ai.

SHARUNG SHAYAWT 1:2

Shi gaw shana tup hkrap nga ai rai nna shi a shabyi hku myi prwi ni lwi hkrat nga ai. Shi a shawng na jinghku ni yawng hta shi hpe shalan shabran na langai mi mung n nga nga ai. Shi a myit hkrum manang ni shi hpe gumle gumlau ai hte ya gaw shi hte nhtan shai nga masai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

TARA AGYI 14:17

Dai numsha gaw poi galaw ai sanit ya tup de a matu hkrap nga ai. Rai ti mung sanit ya shani e chyawm gaw shi nau aput shatsang ai majaw de a lachyum hpa rai nga ai lam shi hpe tsun dan wu ai. Dai hpang shi mung Hpilisti masha ni hpe tsun dan wu ai.