MIHKA 7:2 - Jinghpaw Common Language Bible 2009

² Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

Jinghpaw Hanson Version Bible

² Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

MIHKA 7:2 ပူးပေါင်းရင်းမြစ်များ

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 12:1

Madu e, anhte hpe karum la mi! Mai kaja ai masha langai mung n nga sai; ding man ai masha ni hpe mung loi mi pyi n mu lu mat sai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 57:6

Nye a gumlau hpyen ni ngai hpe rim na matu nye a lam e, sumgawn jahkrat da nga ma ai; ngai gaw myit ru myit tsang hkrum nga nngai. Nye a lam hta shanhte nhkun htu tawn ma ai, rai tim shanhte mahtang dai kaw di hkrat bang ma ai.

GA SHAGAWP 1:11

shanhte gaw, “Sa rit, masha langai mi hpe sat na, anhte gyam yu ga! Mara n kap ai masha ni hpe arawng mala la lu na matu hkap daw yu ga!

GA SHAGAWP 12:6

Tara n lang ai masha ni a ga gaw masha sai hpe jahkaw ya nga ai; ding hpring ai masha ni a n-gup aga gaw jahkrit shama hkrum nga ai ni hpe mawai la nga ai.

ESAIA 3:5

Masha hkum shagu hte gaw shada da zai hku nna adip arip di hkat na mara ai. Shabrang ni gaw asak kaba ai ni hpe hkungga lara na mara ai n rai, hpa n tai ai masha ni gaw shanhte a ntsa na masha ni hpe hkungga lara na mara ai n rai.

ESAIA 57:1

Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

ESAIA 9:19

Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

YEREMIA 5:16

Shanhte a ndan lang masha ni gaw n-gun rawng ai share ninghkrin ni rai nna, matsan dum myit n rawng ai sha masha sat ai ni rai ma ai.

YEREMIA 5:26

“N hkru ai masha ni gaw nye a amyu masha ni hta shanu lawm nga ma ai; shanhte gaw ntsa malen u ni hpe rim na matu sumgawn ni hpe jahkrat da ai masha ni zawn la lagyim ma ai. Rai ti mung shanhte gaw masha rim na matu shanhte a mahkam ni hpe tawn da manu ai.

YEREMIA 8:6

Ngai atsawm sha madat yu nngai, rai ti mung, nang gaw teng man ai ga n tsun ndai. Nanhte hta na langai mi mung na a n hkru ai amu a jaw e yawn nga ma ai n rai; nanhte hta na langai mi mung, ‘Ngai hpa galaw shut ni ai kun?,’ nga nna san myit dai n rai. Masha hkum shagu hte gaw majan pa de htim sa wa ai gumra zawn shi a lam hta ahkawm nga ai.

SHARUNG SHAYAWT 4:18

Dai gumlau hpyen wa gaw anhte hpe azi yu nga ai; anhte gaw nmaw lam hkan e pyi n hkawm lu saga ai. Anhte a nhtoi ni mung lai mat sai; jahtum aten du nga sai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

EZEKELA 24:6

Ndai gaw Tsaw Htum ai dai Madu tsun ai mungga rai nga ai: “Masha sat ai ni shanu ai mare gaw dingnye hkrum nga sai! Dai gaw nhkan kap ai di zawn rai nga nna galoi mung n tsai hkraw nga ai. Shan tau langai mi pyi n ngam hkra, langai hte langai hpe shaw shapraw kau u.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

HOSEA 6:9

Hkinjawng ni mung masha langai hpe lagyim ala nga ai damya hpung mi hte bung nga ma ai. Shehkem mare na chyoi pra ai shara de sa wa ai lam hta pyi shanhte masha sat ma ai. Shanhte gaw ndai n hkru ai amu yawng hpe dasang galaw ma ai.

MIHKA 2:8

Dai Madu gaw, “Nanhte gaw nye a amyu masha ni hpe gumlau hpyen hpe zawn gasat madai. Majan ginra kaw na nhtang wa ai masha ni gaw dum nta ni hta shim lum nga ai ngu myit la nga ma ai, rai ti mung dai shara hta nanhte gaw shanhte a bu hpun palawng ni hpe lagu amya la na matu ala nga myit dai.

MIHKA 3:10

Nanhte gaw Karai Kasang a mare ngu ai Yerusalem hpe asai hte n teng n man ai amu a ningpawt ninghpang hta gaw gap da nga myit dai.

MIHKA 3:2

ti mung, nanhte gaw mai kaja ai hpe n dawng nna, n hkru ai hpe tsaw ra nga myit dai. Nanhte gaw nye a amyu masha ni ahpyi hpe katsing gawng kau nna shanhte a nrut nra ni hta kap ai ashan hpe se machyin kau nga myit dai.

ZEHKARIA 11:6

(Dai Madu gaw, “Ngai gaw ginding aga ntsa na masha kadai hpe mung galoi mung n matsan dum na nngai. Ngai nan amyu masha ni hpe shanhte a mung up du ni a lata hta ap kau na mawe ai. dai mung up du ni gaw ginding aga hpe jahten shaza kau na mara ai; shanhte a lata kaw na ngai hkye hkrang la na nngai n rai,”) ngu nna tsun wu ai.

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 26:20

Dai re ai majaw, dai Madu hte tsan gang nga ai maigan masha ni a lamu ga hta ngai hpe hkum sat kau hkrum shangun nga myit. Israela hkawhkam gaw hpa majaw ngai hpe wa hkalai zawn sa sat kau ang na rai nga a ni? Shi gaw ngai hpe hpa majaw nam na ntsa malen u zawn tam shakut na ang nga a ni?,” ngu nna htan wu ai.