MIHKA 7:18 - Jinghpaw Common Language Bible 2009

¹⁸ Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

Jinghpaw Hanson Version Bible

¹⁸ Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

MIHKA 7:18 ပူးပေါင်းရင်းမြစ်များ

NINGPAWT NINGHPANG 4:7

Nang jaw ai amu galaw yang gaw nang myi man hpaw lu na rai nga ndai, rai ti mung nang gaw n hkru n shawp ai amu galaw kau nit dai majaw yubak gaw na a chyinghka e makun hpum nga ai. Dai gaw nang hpe up hkang mayu ti mung, dai hpe nang awng dang kau lu ndai,” ngu nna tsun wu ai.

1 HKAWHKAM 8:23

“Dai Madu Israela a Karai Kasang e, sumsing lamu lahta tang e mung, ginding aga a lawu tsang e mung nang zawn re ai karai kasang mi n nga nga a hka! Na a amyu masha ni hte tawn da ai na a ga shaka hpe nang shadik shatup nhtawm nang hpe myit masin mahkra hte hkan sa madat mara let shanhte nga nga mu yang, shanhte hpe na a tsaw ra myit madun dan nga ndai.

2 HKAWHKAM LABAU 30:9

Nanhte gaw dai Madu hpang de kayin wa myit dai rai yang, bawng masha ni zawn woi mat wa ai hkrum ai nanhte a kahpu kanau jinghku ni hpe matsan yu dum nna, dum nta de bai nhtang wa shangun na ra ai. Dai Madu nanhte a Karai Kasang gaw myit galu kaba nna matsan dum nga ai majaw nanhte shi hpang de kayin wa jang, shi nanhte hpe hkap la na ra ai.”

2 HKAWHKAM LABAU 6:21

Ndai shara de myi man yawng nna akyu hpyi yang, nye a akyu hpyi ga hpe mung, na a amyu masha Israela ni a akyu hpyi ga ni hpe mung na ya e. Sumsing lamu e nga ai na a nta hta madat mara ya mi; anhte a shut hpyit mara ni hpe raw dat kau ya mi.

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 103:13

Kawa gaw kasha ni hpe matsan dum lama ai zawn, Dai Madu gaw shi hpe shagrau sha-a ai ni hpe matsan dum nga ai.

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 65:4

Nang lata la hkrum sai ni hte, na a chyoi pra ai Htingnu kata hta nga lu na matu, nang woi sa wa hkrum ai ni gaw a lu nga ai. Anhte gaw na a nta na kaja ai arai ni hte, na a chyoi pra ai Nawku Htingnu na shaman chyeju ni hta myit dik nga na ga ai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

SHAKAWN KUNGDAWN 89:8

Chyahtum Chyalai n-gun rawng ai Madu Karai Kasang e, nang zawn daru magam n-gun rawng ai wa kadai mung n nga nga ai; Madu e, nang gaw lam shagu hta sadi sahka nga ai wa rai nga ndai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 33:24

Anhte a mungdan hta shanu nga ai kadai mung machyi nna aput angun ai lam galoi mung nga na ra ai n rai; yubak mara yawng gaw raw dat kau hkrum na ra ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 40:25

Chyoi pra ai Karai Kasang hpe kadai hte shadawn lu a ta? Shi hte bung ai wa mi nga nga a ni?

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 57:10

Nanhte nan kaga karai ni hpe hkan tam let hki ba nga myit dai, rai ti mung nanhte galoi mung myit shayaw kau ai n rai. Matsat shabat re ai hpara sumla ni gaw nanhte hpe n-gun jaw nga ai ngu, nanhte myit nawn nga myit dai majaw nanhte galoi mung gawng kya nga myit dai n rai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

ESAIA 64:9

dai rai nna, anhte hpe nau wa masin hkum pawt et, anhte a yubak mara ni hpe htani htana hkum dum nga et. Anhte gaw na a amyu masha ni rai nga ga ai; anhte hpe matsan dum la mi.

ESAIA 65:19

Yerusalem hte dai hta nga ai amyu masha ni a majaw, ngai hkum nan kabu gara ai hte hpring nga na nngai. Dai mare hta hkrap ngu hkrap ngoi nga na n rai, karum la na matu saw shaga ai nsen na lu na n rai.

YEREMIA 3:12

Shi gaw Israela hpe ning ngu sa tsun na matu ngai hpe tsun wu ai: “Sadi n dung ai Israela e, ngai hpang de nhtang wa marit. Ngai gaw matsan chye dum nga nngai, masin pawt na nngai n rai; ngai gaw nang hpe htani htana apawt nga na nngai n rai.

YEREMIA 3:5

Nang gaw tut nawng masin pawt ai n rai; nang gaw ngai hpe htani htana mana shachyoi nga ai n rai,’ ngu nna tsun ai. Israela e, dai hku nang tsun nit dai, rai ti mung nang dang galaw ai n hkru ai amu yawng hpe nang galaw ndai.”

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 32:41

Ngai gaw shanhte a matu mai kaja ai amu galaw ai lam hta ngai awng sharawng nga na nngai, ngai gaw shanhte hpe ndai mung hta e prat ting shagrin shangang da na nngai.

YEREMIA 33:8

Shanhte ngai hpe shut hpyit kau ai yubak ni kaw na ngai shanhte hpe jasan jaseng da na nngai; shanhte a shut hpyit ai yubak mara ni hte shanhte a gumlang ai amu ni hpe ngai mara raw dat ya na nngai.

YEREMIA 38:8

Dai rai nna Ebedmelek gaw hkawhkam wa nga ai shara de pru sa wa nna hkawhkam wa hpe,

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

EZEKELA 33:16

Shi shut hpyit kau sai yubak mara ni hpe ngai raw dat ya na nngai, shi gaw jaw hkrak ai hte mai kaja ai amu hpe galaw nu ai majaw teng teng hkrung nga lu na ra ai.

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

YOELA 2:32

Rai ti mung, karum la na matu dai Madu hpe hpyi jahtau ai ni yawng hkye hkrang la hkrum na mara ai. Dai Madu tsun da sai hte maren, ‘Yerusalem mare na nkau mi lawt lu na mara ai; dai ni gaw ngai lata san da hkrum ai ni rai nna hkrung nga lu na mara ai,’”

AMO LAIKA (AMOS) 1:11

Dai Madu gaw, “Edom masha ni lang hte lang yubak galaw shut nga masai, dai lam a majaw ngai shanhte hpe teng teng ari jaw na we ai. Shanhte gaw shanhte a kahpu kanau ni rai nga ai Israela amyu masha ni hpe matsan dum ai lam n nga ai sha nhtu lang let hkan shachyut ma ai. Shanhte a masin kahtet ai gaw shadaw shadang n nga nga ma ai; shanhte a masin kahtet ai hpe galoi mung n lu shakawp nga masai.

AMO LAIKA (AMOS) 7:8

Shi gaw ngai hpe, “Amo e, nang hpa mu n ta?,” ngu nna san wu ai. Ngai gaw, “Shadawn sumri langai,” ngu nna htan we ai. Dai hpang, shi gaw, “Nye a amyu masha ni gaw n ding ai bunghku zawn rai nga ma ai hpe madun dan na matu dai hpe ngai lang nngai. Shanhte hpe ari jaw na lam hte seng nna nye a myit bai galai mat na ra ai n rai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

YONA 4:2

Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

MIHKA 4:7

Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,” nga nna tsun ai.

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

ROMA 11:4

Rai ti mung Karai Kasang kaning nga nna htan a ta? Shi gaw, “Bala hpara a man e lahput garai n hput di ai lasha hkying sanit hte hpe nye a matu ngai shangam da se ai,” ngu wu ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.