MIHKA 7:17 - Jinghpaw Common Language Bible 2009

¹⁷ Shanhte gaw lapu ni zawn ga nhpu hta gumrawt hkawm wa na mara ai; shanhte gaw shanhte a ngang ai mare kata kaw nna hkrit gari ai hte pru mat wa na mara ai. Shanhte gaw anhte a Madu Karai Kasang hpang de hkrit kamyin ai hte nhtang wa na mara ai.

Jinghpaw Hanson Version Bible

¹⁷ Shanhte gaw lapu zawn ga nhpu mata na mara ai: ga ntsa gumrawt hkawm ai baw zawn, tinang a nhkun de na hkrit gari let pru na mara ai: shanhte gaw anhte a Karai Kasang Yehowa hpang de hkrit gari let du nna, na a majaw hkrit kamyin nga na mara ai.

MIHKA 7:17 ပူးပေါင်းရင်းမြစ်များ

2 SAMUELA 22:46

Shanhte lu ai nden marai n rawng mat malu ai; shanhte a hpyen dap ni kaw na hkrit gari ai hte pru wa ma ai.

2 HKAWHKAM LABAU 17:10

Dai Madu gaw grup yin mungdan ni yawng, Hkawhkam Yehoshahpat hpe majan n pru gasat gwi mat hkra hkrit gari shangun wu ai.

SHAKAWN KUNGDAWN 18:45

Shanhte gaw shanhte a share shagan myit nden mat mat nna; shanhte a hpyen dap kata ni kaw na, hkrit gari let pru wa ma ai.

SHAKAWN KUNGDAWN 72:11

Hkawhkam ni yawng hte gaw shi a man e, dingnyawm wa na mara ai; amyu masha ni yawng hte mung shi hpe daw jau na mara ai.

SHAKAWN KUNGDAWN 72:9

Nam mali hkan na amyu baw ni gaw na a man e, dingnyawm wa na mara ai; shi a gumlau hpyen ni gaw shi a man e dingnyawm wa na mara ai.

SHAKAWN KUNGDAWN 9:20

Madu e, shanhte hpe hkrit kang shangun u; shanhte gaw si mat chye ai shinggyim masha ni chyu rai nga ma ai lam shanhte hpe chye shangun u.

ESAIA 25:3

Daru magam n-gun rawng ai masha amyu baw ni nang hpe shakawn kungdawn na mara ai; Mazut ai masha amyu baw ni a mare ni nang hpe hkrit kamyin wa na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 59:19

Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

ESAIA 64:2

Kahtet ai wan ntsa e hka prut nga ai zawn shanhte gari ashun mai nga ai. Na a gumlau hpyen ni a man e na a daru magam n-gun sa madun dan u, masha amyu baw ni hpe na a man e hkrit gari shangun u!

ESAIA 65:25

Chyahkyawn hte sagu kasha ni shat rau sha na mara ai; hkanghkyi ni gaw dumsu ni zawn yihku sha na mara ai, lapu ni a lusha gaw aga rai na ra ai. Ziun ngu ai nye a chyoi pra ai kawng ntsa hta, machyi shoichyum ai mung, n hkru ai lam hpa mung nga na ra ai n rai.”

ESAIA 7:19

Shanhte gaw lunghkrung lungma, kabawng kachyawng re ai kadit, lungpu ginlawng hku hkan hte lungbra ntsa hkan e gamawng kahpoi jawng nga na mara ai, shanhte gaw ju sumwum shagu hte udat shara shagu hkan pri rai na mara ai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

SHARUNG SHAYAWT 3:29

Myit mada shara naw nga ang ai majaw anhte gaw hkungga lara ai hte dingnyawm na ang nga ga ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

TARA JAHPRANG 32:24

Shanhte gaw kawsi kyet nna machyi makaw hte si mat na mara ai; hkrit hpa ana ahkya ni hte mung shanhte si na mara ai. Shanhte hpe htim na nam na matse labye dusat ni hpe mung, achye na atuk rawng ai lapu ni hpe mung shangun dat na we ai.

YAWSHU 9:24

Shanhte gaw, “Madu e, nanhte shang wa myit yang, nanhte hpe ndai mungdan ting jaw kau nna, dai mung hta nga ai masha amyu ni hpe sat shamyit kau na nga, dai Madu na a Karai Kasang shi a shangun kasa Mawshe hpe hkang da nu ai gaw teng sha wa teng nga ai hpe anhte chye ga ai majaw dai hku anhte galaw kau saga ai. Dai sha n-ga, anhte a asak a matu hkrit tsang ai hte nanhte hpe hkrit gari nga ga ai majaw dai hku galaw kau saga ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

1 SAMUELA 14:11

Dai rai nna shan gaw shan a hkum hpe Hpilisti masha ni a man e shadan shadawng dan mu ai rai nna Hpilisti masha ni gaw, “Yu mu! Hebre masha nkau mi shanhte makoi nga ai nhkun kaw na pru wa mara ai law!,” ngu nna tsun ma ai.