MIHKA 7:16 - Jinghpaw Common Language Bible 2009

¹⁶ Masha amyu baw ni dai amu hpe mu wa nna shanhte a n-gun atsam yawng hpe dum na malai, dingbai dingna hkrum na mara ai. Shanhte gaw hkrit gari ai hte shanhte a n-gup magum nna shanhte a na ni pat mat na mara ai.

Jinghpaw Hanson Version Bible

¹⁶ Maigan amyu ni dai lam mu mada nna, tinang a daru magam hpa n re ai dum let, kaya mat na mara ai, shanhte gaw tinang a n-gup pat kau na mara ai; na mung lahpang mat na mara ai.

MIHKA 7:16 ပူးပေါင်းရင်းမြစ်များ

YOBA 21:5

Ngai hpe mada yu mi. Nanhte hpe zim rai mau kajawng shangun ai pyi ram la sai n rai ni?

SHAKAWN KUNGDAWN 126:2

Anhte kaning rai mani ai, kaning rai kabu gara mahkawn mangoi saga ai! Dai shaloi kaga amyu baw ni gaw, “Dai Madu shanhte a matu, amu kaba galaw ya nu ai,” nga nna anhte a lam hpe tsun mi ai.

GA SHAGAWP 30:32

Myit tsaw myit dap rawng nna angawk ai hte n hkru n shawp ai amu hpe nang galaw maw mawn ai rai yang, dai ni hpe jahkring kau nna myit yu u!

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

ESAIA 66:18

Ngai gaw shanhte a myit mang ai lam ni hte shanhte a arawn alai sat lawat ni hpe chye nga nngai. Amyu baw ni mahkra a masha ni hpe zup hpawng shangun na matu ngai du sa wa nga nngai. Shanhte rau sa hpawng ai shaloi, nye a daru magam n-gun kaning re ai amu galaw lu ai hpe shanhte mu wa na mara ai,

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

MIHKA 3:7

Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

MIHKA 5:8

Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

ZEHKARIA 12:9

Dai aten hta Yerusalem hpe gasat shakut mayu ai masha amyu baw shagu hpe ngai shamyit kau na nngai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

SHINGRAN 11:18

Na a pawt sindawng ai aten ladaw mung, si ai ni hpe tara dara na aten ladaw mung, ya aten hta du ra ai majaw, masha amyu ni n yun bu nga masai. Na a shangun ma myihtoi ni hpe mung, na a amyu masha ni hpe mung, nang hpe hkrit hkungga ai kaji kaba ni hpe mung, shabrai shagrau sha-a na aten hte lamu ga hpe jahten shabyak kau ai ni hpe jahten shabyak kau na nhtoi du ra ai law!,” nga nna tsun nga ma ai.