MIHKA 7:15 - Jinghpaw Common Language Bible 2009

¹⁵ Madu e, nang gaw anhte hpe Egutu mung kaw nna woi shapraw wa ai shani hta nang galaw dan sai amu ni zawn anhte a matu mauhpa amu galaw dan mi.

Jinghpaw Hanson Version Bible

¹⁵ Egutu mung na pru wa ai shani e, nang mu ai hte maren, ngai shanhte hpe mauhpa amu bai madun na nngai.

MIHKA 7:15 ပူးပေါင်းရင်းမြစ်များ

SHAKAWN KUNGDAWN 68:22

Dai Madu gaw, “Na a gumlau hpyen ni hpe Bashan kaw nna bai shaga shapraw la na nngai; nammukdara a sung htum ai shara kaw na mung ngai shanhte hpe shaga shapraw la na nngai,

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 34:10

Dai Madu gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 51:10

Dai daru magam n-gun hte panglai hka hpe nang shahkyet kau nna dai hka hku lam langai waw nga ndai, shaloi nang hkye da sai ni rap di lu ma ai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.