MIHKA 7:14 - Jinghpaw Common Language Bible 2009

¹⁴ Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

Jinghpaw Hanson Version Bible

¹⁴ Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

MIHKA 7:14 ပူးပေါင်းရင်းမြစ်များ

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 143:5

Ngai gaw lai mat wa sai nhtoi ni hpe adum nga nngai; nang galaw dan lai wa sai amu ni yawng a lam ni hpe, ngai myit sawn yu nga nngai, na a amu ni yawng hpe ngai myit aru yu nga nngai.

SHAKAWN KUNGDAWN 28:9

Madu e, na a amyu masha ni hpe hkye hkrang la u, na a amyu masha ni hpe shaman ya u. Shanhte hpe yu ai sagu rem wa tai nga nna, shanhte hpe htani htana lanu lahku nga u law.

SHAKAWN KUNGDAWN 95:7

Shi gaw anhte a Karai Kasang rai nga ai; anhte gaw shi e lanu lahku tawn ai amyu masha ni; shi bau rem da nga ai sagu hpung ni rai nga ga ai. Shi tsun shaga ai ga ni hpe dai ni jang, madat la mu.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

Shawlumon A Mahkawn Ga 4:1

Nye a nja jan e, nang gaw kade sha tsawm htap nga n hka! Na a myi man magap shingdu e tu ai na a myi ni gaw kade sha yu tsaw ra na zawn htoi tu nga lit hka! Na a kara gaw Gilead kawng kaw na yu hkrat wa ai bainam hpung mi zawn ka manawt nga ai.

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 37:24

Nang gaw na a hpyen leng ni yawng hte tsaw htum ai Lebanon bum ni hpe ka-up la lu nit dai lam dai hpe shakawng dan na matu na a shangun ma ni hpe shangun dat nga ndai. Dai yang e galu htum ai arit hpun ni hte preng tsawm ai marau hpun ni hpe kran kadawng lu ai lam hpe mung, maling htinggram a htat dik ai daw ni de nang shang lu ai lam hpe mung shakawng dan nga ndai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 65:10

Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

YEREMIA 49:31

‘Sa marit! Myit sim myit sa hte shim nga ai ndai masha ni hte mare chyinghka ni mung, mare htinggrang ni mung, makawp maga lam hpa mung n nga ai shanhte a mare ni hpe anhte gasat ga,’ ngu nna tsun wu ai.

SHARUNG SHAYAWT 1:7

Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

SHARUNG SHAYAWT 5:21

Madu e, anhte hpe nang hpang de nhtang woi la mi! Anhte hpe nhtang woi la mi! Moi na anhte a arawng sadang hpe bai jaw ya mi!

EZEKELA 36:11

Ngai gaw masha hte yam nga hpe mung shalaw jahtam ya na nngai. Nanhte gaw shawng na hta grau nna law htam wa ai hte kashu kasha law law mayat maya wa na marin dai. Dai shara hta shawng de shanu nga ai zawn, ngai nanhte hpe shanu nga shangun na nngai; ngai gaw nanhte hpe shawng na hta grau nna ngamu ngamai shangun na made ai shaloi, ngai nan dai Madu rai nga nngai hpe nanhte chye lu na rai myit dai.

JAW JAU 27:32

Nta e rem da ai yam nga ni hta na htam shi hta na htam mi gaw dai Madu a matu rai nga ai. Yam nga ni hpe hti yu yang htam shi hta na htam mi shagu gaw dai Madu a matu rai nga ai.

AMO LAIKA (AMOS) 9:11

Dai Madu gaw, “Ngai gaw daw hten mat ai nta langai zawn rai nga ai Dawi a mungdan hpe bai gaw gap da ai shaloi dai nhtoi du wa na ra ai. Ngai gaw de a bunghku ni hpe bai lajang ai hte dai hpe bai gaw gap da na nngai. Ngai gaw dai hpe bai gaw gap ai hte moi na zawn bai de da na nngai.

OBEDIA 1:19

“Dingda Yuda mung kaw nna amyu masha ni Edom hpe madu la na mara ai; sinna bum lagaw e nga ai masha ni mung Hpilisti masha ni hpe rim la na mara ai. Israela masha ni gaw Ehprim hte Samari lamu ga madu la na mara ai; Benyamin amyu masha ni gaw Gilead hpe la na mara ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

ZEHPANI 3:13

Naw ngam nga ai Israela amyu masha ni gaw kade a ntsa e mung shut hpyit ai amu galaw wa na n rai; masu magaw ga tsun na n rai. Hkalem hkalau ga mung shanhte shakut tsun na ma ai n rai. Shanhte gaw kadai hpe mung n hkrit ra ai sha shim lum ai hte ngamu ngamai wa na mara ai.

ZEHKARIA 10:10

Ngai gaw shanhte hpe Egutu mung hte Asuri mung kaw nna woi wa nhtawm shanhte a mungdan hta nga shara jahkrat ya na nngai. Ngai gaw shanhte hpe Gilead mung hte Lebanon mung hta mung, nga shara jahkrat ya na nngai; mungdan ting amyu masha ni hte hpring mat na ra ai.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.

MALAHKI 3:4

Dai hpang, Yuda hte Yerusalem masha ni gaw lai sai aten hta shanhte lang yu manu ai zawn dai Madu hpang de la sa ai shagu hkungga ni gaw shi a matu ra sharawng hpa tai na ra ai.

BU HKAWM 23:9

Tsaw ai lunghkrung ni kaw na ngai shanhte hpe mu nngai; Ngai gaw shanhte hpe kawng ni kaw na mada lu nngai; Shanhte gaw alak mi re ai amyu baw langai mi rai nga ai; Shanhte gaw kaga amyu baw ni hta shaman chyeju grau nna lu la nga ma ai hpe shanhte chye ma ai.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

MAHTE 2:6

‘Yuda mung na Betlehem e, nang gaw Yuda mung na mare ni hta kaji htum nga ndai n rai; nye a amyu Israela hpe woi rem na Du gaw nang kaw nna paw pru na ra ai,’” nga ai, ngu nna shi hpe tsun dan mu ai.

YAWHAN 17:16

Ngai gaw mungkan ga na n rai nngai hte maren, ndai ni mung mungkan ga na n rai ma ai.

TARA JAHPRANG 33:28

Shing rai, lamu de na numri hkrat ai hte ga kata na hka hpawk ni pru nhtawm, nai mam hte sabyi ntsin ing ai lamu ga hta, Yaku amyu matu ni ngwi pyaw sim sa ai hte shim ai hku nga lu na rai ma ai.