MIHKA 7:13 - Jinghpaw Common Language Bible 2009

¹³ Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

Jinghpaw Hanson Version Bible

¹³ Rai timung, dai garai n byin yang, dai mungdan gaw, mung masha ni hkan nang ai arawn alai majaw, shingran katsi ai shara tai na ra ai.

MIHKA 7:13 ပူးပေါင်းရင်းမြစ်များ

YOBA 4:8

Yubak hpe shawt nna, nli tum zawn n hkru ai hpe gat hkai ai masha ni hpe ngai mu yu se ai; ya chyawm gaw dai n hkru ai hte yubak hpe shanhte dan la nga ma ai.

GA SHAGAWP 1:31

Dai re ai majaw, nang galaw ai hte maren, nang hkam la lu na ra ai rai nna, nang galaw ai amu gaw nang hpe nchyi nmu hkrum shangun na ra ai.

GA SHAGAWP 31:31

Shi galaw ai amu yawng mayawng a manu jahpu hpe matsing ya u; masha shagu shi hpe hkungga lara na mai kaja nga ai.

GA SHAGAWP 5:22

Tara n lang ai masha wa a yubak ni gaw mahkam rai nga nna, shi gaw shi a yubak sumgawn hta rim la ai hkrum nga ai.

ESAIA 17:9

Dai nhtoi du ai shaloi, Israela amyu masha ni a lata kaw nna hprawng mat wa nhtawm kau tawn da ai Hiwi hte Amori ni a mare ni zawn, ngang kang ai mare ni gaw katsi katsang shara tai mat nna hten run taw nga na mara ai.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 21:14

Rai ti mung, nang galaw sai amu ni hte maren, ngai nang hpe ari jaw na we ai. Na a hkawhkam htingnu hpe mung wan nat kau na we ai, shing rai dai wan gaw grup yin yawng mayawng hpe hkru kau na ra ai. Dai Madu ngai nan tsun ni ai.”

YEREMIA 25:11

Dai mungdan ting gaw shingran sharat katsi katsang tai mat wa nna yu kajawng mat na zawn re ai shara tai mat na ra ai, shing rai grup yin mungdan ni yawng gaw Babelon Hkawhkam wa hpe shaning sanit shi ning tup galaw daw jau na mara ai.

YEREMIA 32:19

Nang gaw hpaji rawng ai shatawng shada lam ni hpe shachyen nna mauhpa magam bungli ni hpe galaw nga ndai; nang gaw amyu masha ni galaw ai amu baw hkum sumhpa ni hpe mu nga ndai; shanhte galaw shapraw ai amu hte maren, nang shanhte hpe kumhpa jaw ya nga ndai.

EZEKELA 12:19

Ndai gaw Tsaw Htum ai dai Madu shi nan Yerusalem mare masha ni hpe lakap nna shanhte a mungdan hta naw shanu nga ai ni hpe tsun ai mungga rai nga ai; dai hpe amyu baw ting hpe htawn tsun dan u; shanhte lusha sha ai shaloi gari na mara ai, shanhte ntsin lu ai shaloi hkrit gari ai hte ashun na mara ai. Shanhte a mungdan hta shanu nga ai masha shagu hte gaw hkang da ai tara hpe n hkan ma ai majaw shanhte a mungdan gaw katsi katsang akrin akraw shara tai mat na ra ai.

EZEKELA 33:28

Ngai gaw dai mungdan hpe katsi katsang shara shatai kau nna shanhte a gumrawng ai daru magam n-gun hpe jahtum kau ya na nngai. Israela a bum ni gaw grai htat ai mali tai mat nna kadai mung dai lam hku n lai lu na mara ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MIHKA 3:4

Nanhte dai Madu hpe hpyi jahtau na aten gaw du wa nga sai, rai ti mung shi nanhte hpe htan ya na ra ai n rai. Shi gaw nanhte a akyu hpyi ga ni hpe madat ya na n rai, hpa majaw nga yang nanhte mahtang n hkru ai amu galaw kau manit dai.

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

MIHKA 6:13

Dai rai nna, na a yubak ni a majaw, nang hpe jahten sharun hpang na ngai lajang da ngut chyalu rai ni ai.