MIHKA 7:10 - Jinghpaw Common Language Bible 2009

¹⁰ Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

Jinghpaw Hanson Version Bible

¹⁰ Dai shaloi ngai hpe hpyen ai wa dai lam mu mada nna, Na a Karai Kasang Yehowa kanang nga a ta? nga nna ngai hpe tsun ai num gaw, kaya kahpa hkrum na ra ai: nye a myi shi hta dik na ra ai; shi gaw mare lam a hkumpup zawn, kabye kau ai hkrum na ra ai.

MIHKA 7:10 ပူးပေါင်းရင်းမြစ်များ

2 SAMUELA 22:43

Ga nhpu zawn tai mat hkra ngai shanhte hpe adup mani mawe ai; nmaw lam ntsa na hkumpup zawn shanhte hpe ngai kabye anya kau we ai.

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 115:2

“Nanhte a Karai Kasang kanang nga nga a ta?,” nga nna amyu baw ni anhte hpe hpa majaw san nga ma ni?

SHAKAWN KUNGDAWN 18:42

Ngai gaw shanhte hpe adup mani kau mawe ai, shing rai, shanhte gaw nbung e shapoi kau ai ga nhpu zawn tai mat ma ai. Nmaw lam ni a ntsa e taw ai hkumpup ni hpe zawn, ngai shanhte a ntsa e, kabye anut nga nngai.

SHAKAWN KUNGDAWN 35:26

Nye a nni nkri hpe yu kabu nga ai ni, tsep kawp sum mat ai hte shanut kau ai hkrum nga mu ga. Ngai hta grau ai ni re ngu nna tsun ai ni gaw, kaya kahpa hte myi man sum ai hkrum sha mu ga.

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 58:10

Ding hpring ai ni gaw mara kap ai ni ari jaw hkrum ai hpe mu ai shaloi, kabu gara na mara ai; shanhte gaw tara n lang ai ni a asai hku kabye lai mat wa na mara ai.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 41:25

“Ngai gaw sinpraw maga de nga ai masha langai mi hpe lata la ni ai; ngai gaw shi hpe dingdung maga de nna gasat na matu woi la na nngai. Shi gaw mung du ni hpe hkumpup zawn, di bu sama wa kagam ga hpe kabye gumchya ai zawn kabye anut nga ai.

YEREMIA 49:15

Dai Madu gaw nang hpe n-gun shayawm kau ya ai hte kadai mung nang hpe hkungga lara di na ma ai n rai.

YEREMIA 51:24

Dai Madu gaw, “Babelon mung hte de a mung masha ni gaw Yerusalem e shanhte galaw ai n hkru ai lam yawng a matu ngai matai htang na hpe nanhte mu na rai myit dai.

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

OBEDIA 1:10

“Na a kahpu kanau ni rai nga ai Yaku a matu mara ni hpe nang ashep ashin di nna sat kau nit dai majaw, nang gaw shamyit kau hkrum ai hte htani htana kaya kahpa hkrum na rin dai.

OBEDIA 1:12

Yuda mung na na a jinghku ni a n kaja ai gam maka hpe nang yu sharawng mai nga ndai n rai. Shanhte hten run hkrum ai shani e, nang yu kabu mai nga ndai n rai. Shanhte myit ru myit yak hkrum nga ma ai shaloi, nang shanhte hpe mani asawng mai nga ndai n rai.

MIHKA 4:11

Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

ZEHPANI 3:15

Dai Madu gaw nanhte a ari ahpri hpe jahkring kau nna nanhte a gumlau hpyen ni yawng hpe la kau ya na ra ai. Dai Madu Israela a hkawhkam gaw nanhte hte rau anga nga ai; Dai shara hta ya kaw nna hkrit tsang shara hpa mung nga na n rai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

MALAHKI 1:5

Dai Israela amyu masha ni gaw shanhte a myi ni hte nan dai lam mu na mara ai, shanhte gaw, “Dai Madu gaw Israela mung a shinggan de du hkra pyi chyalai n-gun rawng nga ai!,” ngu nna tsun na mara ai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

MAHTE 27:43

Shi gaw Karai Kasang hpe kam hpa nna, ‘Ngai gaw Karai Kasang a Kasha rai nngai!,’ nga nna shi tsun ai. Rai sa, dai rai yang gaw ya Karai Kasang shi hpe hkye la mayu nga ai kun? Anhte yu yu ga!,” nga ma ai.

YAWSHU 7:9

Hkanani masha ni hte ndai mung na masha nlang ndai lam hpe na na rai ma ai. Shaloi shanhte gaw anhte hpe sa wang nna masha hkum shagu hte hpe sat kau na mara ai. Dai hpang na a arawng sadang hpung shingkang makawp maga na matu nang kaning di na rai nga n ta?,” ngu nna tsun wu ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.