MIHKA 7:1 - Jinghpaw Common Language Bible 2009

¹ Myit mada shara n nga nga a hka! Ngai gaw myin ai namsi di la kau ngut sai hpun ni hte sabyi ru hta sabyi si ni n si mat sai hpe mu nna kawsi kyet ai masha wa zawn rai nga nngai. Sabyi si sumbaw ni yawng hte mu mai ai lakum si ni yawng hta la kau sai.

Jinghpaw Hanson Version Bible

¹ Ngai dingnye lu nngai; kaning rai nme law, myin ai namsi di la kau ai hte, tsabyi si nlim gut ai hpang hti nga ai wa zawn ngai rai nga nngai: sha na matu tsabyi si sumbaw langai mi n nga ai; shawng myin ai lakum si hpe ngai marit nga nngai.

MIHKA 7:1 ပူးပေါင်းရင်းမြစ်များ

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

GA SHAGAWP 20:6

Masha hkum shagu hte gaw, shi gade sadi dung ai hte kangka nga ai hpe tsun shana nga ma ai; teng teng dai zawn re ai wa hpe kadai mu tam lu nga a hka!

ESAIA 17:6

Israela gaw tsanlun hpun na asi yawng di la ngut ai hpang, hpun ndung e lahkawng masum sha hte hpun lakung ni a npu hkan loi li mi naw ngam nga ai zawn loi sha mi re ai amyu masha ni chyu sha asak hkrung nga na mara ai. Dai Madu Israela a Karai Kasang Ngai nan tsun ni ai,” ngu nna tsun ai.

ESAIA 24:13

Ndai gaw mungkan ga ting hta nga ai amyu baw shagu ni hta byin wa na lam rai nga ai. Dai gaw tsanlun hpun shagu na asi ni hpe kayat jahkrat kau ai hte sabyi di ai hpang nlim gut la ai zawn mung mangai a ahpang jahtum aten na zawn mung tai na ra ai.

ESAIA 24:16

Anhte gaw mungkan ga a jahtum htum ai shara kaw nna ding hpring amyu baw rai nga ai Israela a shakawn kungdawn ai mahkawn mangoi ni hpe na wa na ga ai. Rai ti mung nye a matu myit mada shara hpa n nga nga ai! Ngai gaw n-gun lagaw angwi ngwi sha yawm mat wa nga nngai! Gumle gumlau ai ni gaw matut gumlau ai hte myit magaw ai ni gaw grau grau nna sawng wa nga ai.

ESAIA 28:4

Gumrawng gumtawng ai ningbaw ni a nyui mat ai arawng sadang gaw mangai aten myin wa ai hte rau di sha kau ai shawng na maihpang si zawn shanhte hkoi mat wa na mara ai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

YEREMIA 15:10

Ngai gaw myit n pyaw ai masha she rai nga a hka! Nye a nu gaw hpa majaw ngai hpe ndai mungkan ga de sa shaprat da ai kun? Ngai gaw ndai lamu ga hta masha hkum shagu hte ga li ga law ai hte ndang kalang hkat ra nga nngai. Ngai gaw gumhpraw kade mi sha rai tim hkoi ya ai n rai, hkoi la ai mung n rai; rai ti mung, yawng mayawng gaw ngai hpe dagam let matsa ma ai.

YEREMIA 24:2

Shawng na ka hta shawng myin sai lakum si ni hte kaja ai lakum si ni rawng nga ai. Kaga langai mi hta chyawm gaw n sha mai ai lakum si ni hte n kaja ai lakum si ni rawng nga ai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 45:3

nang gaw, ‘Ngai asum jaw ni ai! Dai Madu gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

YEREMIA 5:1

Yerusalem amyu masha ni e, na a nmaw lam hku hprawng mu! Makau grup yin de mada yu mu! Nanhte hkum ni hpe yu yu mu! Shawa gat ginra ni hkan sawk tam yu mu! Ding hpring ai amu galaw nna Karai Kasang hta kangka nga na matu shakut ai masha langai mi hpe nang mu tam n ni? Nang mu tam ai rai yang, dai Madu gaw Yerusalem hpe mara dat ya na ra ai.

HOSEA 9:10

Dai Madu gaw, “Israela hpe shawng nna ngai mu yang, dai gaw zaibru jang e tu ai sabyi si hpe mu tam ai zawn rai nga ai. Nanhte a kaji kawa ni hpe shawng nnan ngai mu ai shaloi dai gaw shawng si ai lagum hpun kaw shawng myin ai lagum si ni hpe mu ai zawn rai nga ai. Rai ti mung shanhte Peora Bum de sa wa mu yang, Bala hpe nawku hpang wa ma ai rai nna kade n na yang, shanhte tsaw ra ai hpara ni zawn matsat shabat tai wa masai.

BU HKAWM 18:13

Dai ni yawng gaw na a matu rai nga ai. Na a dinghku na san seng ai masha shagu gaw dai ni hpe sha mai nga ai.