MIHKA 6:9 - Jinghpaw Common Language Bible 2009

⁹ Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

Jinghpaw Hanson Version Bible

⁹ Yehowa a nsen gaw dai mare hpe shaga nna, zai byeng-ya rawng ai wa gaw, na a amying ningsang hpe hkrit hkungga nga ai: sharin ai shingna hpe mung, dai hpe hparan ai wa hpe mung, matsing mu.

MIHKA 6:9 ပူးပေါင်းရင်းမြစ်များ

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

YOBA 10:2

Karai Kasang e, ngai hpe hkum daw dan e. Ngai hpe hpa baw mara shagun na n ta? Ngai hpe tsun dan e law!

YOBA 23:14

Shi gaw nye a matu maw mawn ai amu hpe shatup na ra ai; dai maw mawn ai amu gaw shi galaw dan nu ai law law hta na langai sha naw rai nga ai majaw,

YOBA 5:17

Karai Kasang e shading sharai hkrum ai wa gaw a nga ai! Shi nang hpe daru sharin yang, masin hkum pawt et.

SHAKAWN KUNGDAWN 107:43

Hpaji rawng ai ni ndai amu ni a lam hpe myit sawn yu nga mu ga; shanhte gaw dai Madu a dinggrin tsaw ra myit hpe myit yu nga mu ga law.

SHAKAWN KUNGDAWN 48:10

Nang gaw shara shagu hkan nga nga ai amyu masha ni a shakawn kungdawn ai hkrum nga ndai; na a mying nsang aga ting hta kajai gumhkawng nga ai, nang gaw teng man ai tara hte up hkang nga ndai.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

GA SHAGAWP 22:3

Chye myit chye mang ai masha ni gaw du wa na ru yak tsin-yam hpe tau mu nna, dai hpe koi yen ti mung; nyan tang ai ni chyawm gaw dai tsin yam kata de shang bang wa nna, hpang e she shut dum na mara ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 30:27

Dai Madu a daru magam n-gun hte hpung shingkang hpe sumtsan shara hta mu lu nga ai. Wan hte wan hkut gaw shi a masin kahtet ai hpe madun dan nga ai. Shi ga shaga ai, shi shaga ai ga ni gaw wan zawn hkru nga ai.

ESAIA 66:6

Madat mu! Mare kaw na ja ja garu ai nsen, dai Nawku Htingnu na nsen gaw shi a gumlau hpyen ni hpe ari jaw nga ai dai Madu a nsen rai nga a hka!

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 47:7

Rai ti mung, dai amu hpe ngai galaw wa ai shaloi, dai gaw kaning rai sim lu na rai nga a ta? Ngai gaw Ashkelon hte hkin-gau ntsa hta nga ai masha ni hpe htim gasat na matu hkang da ni ai.”

EZEKELA 7:9

Ngai gaw nang hpe lahpawt dum na n rai, matsan dum ai lam loi mi mung nang hpe madun na n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

AMO LAIKA (AMOS) 2:5

Dai rai nna, ngai gaw Yuda a ntsa e wan jahkrat dat nhtawm Yerusalem a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MIHKA 6:10

N hkru ai masha ni a dum nta kata na sut gan ni gaw n ding n man ai hku nna lu tawn ai arai ni rai nga ai. Shanhte gaw n teng n man ai dang hte bye ni hpe lang ma ai; dai zawn re ai mawp sha ai arai hpe ngai matsat nngai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.