MIHKA 6:8 - Jinghpaw Common Language Bible 2009

⁸ N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

Jinghpaw Hanson Version Bible

⁸ Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

MIHKA 6:8 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

NINGPAWT NINGHPANG 5:22

Dai hpang, shi gaw Karai Kasang hte 300 ning tup rau hkawm rau sa ai hte kaga shayi shadang sha ni hpe mung shaprat wu ai.

2 HKAWHKAM LABAU 30:11

Ti mung, Ashe, Manashe hte Zebulun amyu bawsang ni hta na masha nkau mi mahtang Yerusalem mare de sa wa na lam ra sharawng nga ma ai.

2 HKAWHKAM LABAU 32:26

Rai ti mung hpang jahtum e chyawm gaw Hezekia hte Yerusalem mare masha ni shanhte hkum hpe shagrit shanem ma ai rai nna dai Madu mung Hezekia si mat ai hpang du hkra amyu masha ni hpe ari n jaw da wu ai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

2 HKAWHKAM LABAU 33:23

Rai ti mung shi a kawa hte n bung ai sha, n shagrit shanem ai hte dai Madu hpang de n kayin wa nga ai. Shi gaw kawa hta pyi grau sawng hkra yubak mara shut hpyit nga ai.

2 HKAWHKAM LABAU 34:27

Yerusalem mare hte dai hta nga ai amyu masha ni hpe ari jaw na matu ngai kaning rai jahkrit shama ai lam hpe nang na ndai shaloi na a hpun palawng ni hpe gang je kau nna hkrap let nye a man e myit malai ai hte nang nan shagrit shanem nga ndai. Na a hpyi nem ai nsen hpe ngai na ni ai majaw,

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

SHAKAWN KUNGDAWN 101:1

O Madu e, nye a mahkawn ga gaw sadi dung ai hte teng man ai lam rai nga ai, dai hte, ngai nang hpe mahkawn mangoi nngai.

SHAKAWN KUNGDAWN 112:4

Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

SHAKAWN KUNGDAWN 37:26

Shi gaw aten shagu, ndut ndang jaw ya ai hte kaga ni hpe hkoi ya nga ai; shi a kashu kasha ni mung chyeju kumhpa tai nga ma ai.

SHAKAWN KUNGDAWN 73:28

Rai ti mung, nye a matu chyawm gaw, Karai Kasang hte ani sha nga lu na, Madu Karai Kasang hta makawp maga ai lam mu tam la na matu hte shi galaw dan sai magam bungli ni hpe htawn tsun na lam ni gaw kade sha mauhpa rai nga a hka!

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

SHARUNG SHAYAWT 3:26

Dai rai nna, shi hpe myit galu ai hte ala nga let, anhte hpe hkye hkrang la na matu shi hpe la dingda nga ai gaw mai kaja htum nga ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 33:14

Ngai gaw n hkru n shawp ai wa hpe shi si na ra ai ngu nna ngai ga sadi mai jaw nga ti mung, dai wa gaw yubak galaw nga ai amu hpe rap di kau tawn da nna, jaw hkrak ai hte mai kaja ai amu galaw nhtawm,

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

HOSEA 12:6

Dai rai nna ya chyawm gaw, Yaku a amyu matu mara ni e, nanhte a Karai Kasang hpe kam hpa nga mu; shi kaw nhtang wa mu. Teng man ai hte sadi dung nga let, nanhte a Karai Kasang galaw na amu hpe myit n yaw ai sha ala nga mu.

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

AMO LAIKA (AMOS) 5:24

Shing rai na malai, teng man rap ra ai tara gaw hka shi zawn lwi nga u ga; ding man ai gaw galoi mung hkyet mat n chye ai hka shi zawn tai nga u ga.

MIHKA 6:9

Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

ZEHKARIA 7:9

“Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

MAHTE 5:7

“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

LUKA 10:42

Rai ti mung, ra grau ai lam gaw langai sha rai nga ai, Mari gaw jaw ai lam lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 11:42

“Hparishe ni e, nanhte dingnye lu myit dai! Hpa majaw nga yang, nanhte gaw shingtawn pan, shinglim pan ni hte shatmai lap amyu myu hta na htam shi kaw na htam mi Karai Kasang hpe sak jaw myit dai. Rai ti mung, nanhte gaw tara rap ra ai hte Karai Kasang hpe tsaw ra ai lam hpe gaw hprai kau nga myit dai. Nanhte gaw htam shi hta htam mi alu jaw ai hta n ga, tara rap ra ai hte Karai Kasang hpe tsaw ra ai hta mung hkan sa galaw ang myit dai.

LUKA 12:14

Yesu gaw, “Nye a jinghku wa e, nan nau a ntsa e tara agyi tai ya na ahkang hte sali arai garan ya ai wa tai na, ngai hpe kadai san da a ta?,” ngu nna shi hpe htan wu ai.

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.

ROMA 7:16

Ngai n galaw mayu ai hpe ngai galaw yang gaw dai jep ai Tara teng man nga ai lam ngai myit hkrum nngai.

ROMA 9:20

Jinghku wa e, nang gaw kadai wa mi rai nna Karai Kasang hpe dai hku htan lu n ta? Ga dibu langai mi gaw galaw da ai wa hpe, “Hpa majaw nang ngai hpe ning di galaw da n ta?,” ngu nna san na a ni?

1 KORINHTU 7:16

Hkristan numsha e, na a madu wa hpe hkye la lu na n re ngu nna hkrak nang kaning rai tsun lu n ta? Dai hte maren Hkristan lasha e, na a madu jan hpe hkye la lu na n re ngu nna hkrak nang kaning rai tsun lu n ta?

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

TARA JAHPRANG 30:15

“Kaja ai hte n kaja ai hpe mung, asak hkrung ai hte si hkrung si htan lam hpe mung lata la na ahkang, dai ni, ngai nanhte hpe jaw nga nngai.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

YAKU 2:20

Angawk ai wa e, magam bungli n lawm ai makam masham gaw kaman lila rai nga ai hpe nang chye mayu da wu ni?

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.