MIHKA 6:7 - Jinghpaw Common Language Bible 2009

⁷ Sagu la hkying mun hte n htum lu ai tsanlun sau hka shi ni, shi kaw ngai lama la sa wa ai rai yang, dai Madu gaw dai hpe ra sharawng na wu ai kun? Nye a yubak mara a majaw nye a kasha alat hpe gawng malai hkungga tai na ngai shi hpe sak jaw ra na rai nga a ni?

Jinghpaw Hanson Version Bible

⁷ Yehowa gaw sagu la hkying mi hte, sau hka mun ni hpe, sharawng awng na rai kun? Ngai tawt lai ai amu matu, nye a kasha alat hpe, nye myit masin yubak a matu, nye nshang na hkrat ai ma hpe, gawng malai hkungga shatai na rai ni?

MIHKA 6:7 ပူးပေါင်းရင်းမြစ်များ

2 HKAWHKAM 16:3

dai Madu shi a Karai Kasang n ra sharawng ai amu hpe galaw nhtawm Israela hkawhkam ni a kasi hkan dagraw nang nga wu ai. Shi gaw hpara sumla ni hpe wan nat hkungga nawng jau na matu shi a kasha hpe pyi nawng jau ya wu ai; Israela masha ni rawt lung wa yang, dai Madu gawt shapraw kau ai masha amyu ni a matsat shabat re ai lam hta hkan dagraw nang nga ma ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM 23:10

Hkawhkam Yoshia gaw kadai mung Molek karai a matu tinang a shayi shadang sha ni hpe wan nat hkungga n shatai ya lu hkra nga, Hinom Kadit na Tohpet ngu ai tara maigan masha ni a nawku shara hpe mung awu asin di kau ya wu ai.

2 HKAWHKAM 3:27

Dai rai nna shi a hkang hta hkaw dung na kasha alat hpe woi la nhtawm mare bunghku ntsa e Moba karai hpe hkungga shatai nna nawng kau wu ai. Shing rai Israela masha ni hkrit kajawng mat ma ai majaw mare kaw nna shanhte htingnut mat wa ai hte tinang nang a mung ga de nhtang mat wa shajang ma ai.

YOBA 29:6

Nye a dumsu kanu ni hte bainam ni nga chyu law law jaw ma ai, nye a tsanlun hpun ni mung lunghkrung ga hta tu nga ma ai.

SHAKAWN KUNGDAWN 50:9

Rai ti mung, na a sun na usu ni hpe mung, na a wuhpung na bainam ni hpe mung, ngai n lang ra nngai.

SHAKAWN KUNGDAWN 51:16

Nang gaw shagu hkungga ni hpe n ra sharawng nga ndai, shing n rai yang, ngai sak jaw na de ai; nang gaw wan nat hkungga ni hpe mung n ra sharawng nga ndai.

SHAKAWN KUNGDAWN 51:18

Karai Kasang e, Ziun hpe matsan dum nna shi hpe karum u; Yerusalem mare a bunghku ni hpe bai gaw gap da u.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

ESAIA 1:1

Ndai laika hta Yuda hkawhkam ni rai nga ai Uzia, Yohtam, Ahaza hte Hezekia ni hkaw dung nga ma yang, Yuda mungdan hte Yerusalem a lam hte seng nna, Amot a kasha Esaia kaw du ai Karai Kasang a mungga ni rai nga ai.

ESAIA 40:16

Lebanon nam maling hkan nga ai dusat yawng hte gaw anhte a Karai Kasang a matu hkungga nawng ya na law ram nga ai n rai, maling hpun ni mung wan ju na matu nau nan n law nga ai.

YEREMIA 19:5

shanhte a kashu kasha ni hpe shagu hkungga shatai nna wan nat nawng na nga, Bala hpara a matu tawn hkungri ni hpe gaw da manu ai. Shing re ai amu galaw na matu shanhte hpe ngai galoi mung n hkang da nngai; dai lam nye a myit hta galoi mung rawng nga li ai n rai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

YEREMIA 7:31

Shanhte gaw Hinom Kadit e Tohpet ngu shamying ai tawn hkungri langai mi hpe gaw ma ai, shanhte gaw shanhte a shadang sha ni hte shayi sha ni hpe wan hta nat nawng lu ma ai. Dai amu galaw na matu, shanhte hpe ngai hkang da ni ai n rai; Dai amu gaw nye a myit masin hta pyi myit ai n rai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

HOSEA 5:6

Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

JAW JAU 18:21

Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai.

JAW JAU 20:1

Dai Madu gaw Mawshe hku nna

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

HPILEMON 1:12

Ya e shi hkum nan hpe nang hpang de ngai wa shangun dat nngai; dai lam hta nye a tsaw ra myit du nna lawm nga ai.

TARA AGYI 11:31

awng padang hte majan pa kaw nna ngai nhtang wa ai shaloi, ngai hpe shawng hkap tau la na matu nta kaw na pru sa wa ai wa hpe wan nat hkungga shatai nna nawng jau na we ai. Dai wa hpe shagu hkungga zawn ngai nang hpe nawng ya na de ai,” ngu nna ga sadi tawn da wu ai.

TARA AGYI 11:39

Shata lahkawng lai jang, shi gaw shi a kawa hpang de bai nhtang wa wu ai. Shi mung dai Madu hta ga sadi tawn da nu ai hte maren galaw wu ai. Shi gaw hkawn jet naw rai nga ai. Dai kaw nna ndai amu gaw Gilead masha Yephta a shayi sha a majaw numsha ni gaw shaning shagu mali ya ya sharung shayawt ai htung Israela amyu hta nga wa sai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.