MIHKA 6:6 - Jinghpaw Common Language Bible 2009

⁶ Ngai gaw shi hpe nawku na matu sit sa wa ai shaloi, sumsing lamu a Madu Karai Kasang hpang de hpa baw kumhpa la sa na rai ta? Shi hpe wan nat hkungga nawng jau na matu kaja htum ai dumsu kasha ni hpe woi sa wa ra na kun?

Jinghpaw Hanson Version Bible

⁶ Ngai gaw Yehowa a man de, hpa kumhpa hte sit sa nna, tsaw htum ai Karai Kasang hpe nawku na rai ta? Wan nat hkungga hte, ladu hkrum ai dumsu kasha nawng ya let, shi a man de ngai du na rai i?

MIHKA 6:6 ပူးပေါင်းရင်းမြစ်များ

2 SAMUELA 21:3

Dai re ai majaw Dawi gaw Gibeon masha ni hpe shaga la nhtawm, “Nanhte a matu ngai hpa galaw ya lu na rai ta? Dai Madu a amyu masha ni hpe nanhte shaman ya lu myit ga, nanhte hpe galaw shut kau sai amu a matu ngai htingrat ya mayu nga nngai,” ngu nna shanhte hpe tsun wu ai.

SHAKAWN KUNGDAWN 116:12

Dai Madu ngai hpe jaw ya ai chyeju nlang hte hpe, hpa baw hte wa daw jau lu na rai nga a ta?

SHAKAWN KUNGDAWN 22:29

Gumrawng gumtawng ai masha yawng hte gaw shi hpe dingnyawm wa na mara ai; si chye ai masha yawng hte mung shi a man e, dingnyawm wa na mara ai.

SHAKAWN KUNGDAWN 95:2

Shi a man e, chyeju dum let anhte shang nna, mahkawn mangoi ga hte shi hpe kabu gara shakawn ga.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

PRU MAT 12:5

Nanhte gaw sagu hpe rai ti mung, bainam hpe rai ti mung, lata san da lu na rai myit dai, rai ti mung dai gaw hpa mung ra n rawng ai hte laning mi ladu hkrum sai ala rai lu na myit dai.

PRU MAT 23:15

Nanhte gaw Egutu mung na pru wa ai Abi shata hta, ngai nang hpe hkang da sai lam hte maren, Matsi n rawng ai Muk Sha Poi galaw lu na rai myit dai. Sanit ya laman galaw ai dai poi hta matsi hte galaw ai muk hpa hpe mung sha lu na myit dai n rai; nanhte gaw hkungga n lawm ai sha ngai hpe galoi mung nawku lu na myit dai n rai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

ESAIA 40:16

Lebanon nam maling hkan nga ai dusat yawng hte gaw anhte a Karai Kasang a matu hkungga nawng ya na law ram nga ai n rai, maling hpun ni mung wan ju na matu nau nan n law nga ai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

EZEKELA 46:9

“Amyu masha ni chyawm gaw ndat da ai poi shani hta, dai Madu hpe nawku na matu shang ai shaloi, dingdung chyinghka hku shang nna shanhte nawku ngut ai hpang dingda chyinghka hku pru wa na mara ai. Dingda chyinghka hku shang wa ai ni mung dingdung chyinghka hku pru wa na mara ai. Kadai mung shang wa ai hku bai pru wa lu na n rai; rai ti mung shang wa ai hte tawtap hku bai pru wa na ra ai.

Daniela 3:26

Dai rai nna Nebuhkadneza gaw grung nga ai wan htung chyinghka lam de sa wa nhtawm, “Shadrak! Meshak! Abednego! Tsaw Htum ai Karai Kasang a shangun ma ni e, pru wa marit!,” ngu nna jahtau tsun wu ai. Shanhte mung kalang lata pru wa ma ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

HOSEA 5:6

Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.

AMO LAIKA (AMOS) 5:22

Nanhte nye a matu wan nat hkungga hte shadung hkungga ni nawng jau ai shaloi, dai ni hpe ngai hkap la na n rai; nanhte kaw tawn da ai yam nga ni hte hkungga nawng jau ti mung ngai hkap la na n rai.

MAHTE 19:16

Kalang mi na masha langai mi Yesu hpang de sa du nna, “Sara e, nhtum nwai asak lu la hkra kaja ai hpa baw ngai galaw ra na rai ta?,” ngu nna san yu wu ai.

MARKU 12:33

Bai masha gaw, myit kraw lawang mahkra hte, myit hpaji mahkra hte, n-gun lagaw mahkra hte shi hpe tsaw ra lu na rai nna, tinang a htingbu wa hpe tinang a hkum hte maren tsaw ra lu na, nga nna hkang da ai, ndai ga lahkawng gaw Karai Kasang hpe dusat hkungga hte kaga hkungga ni nawng ya ai hta grau kaba ai rai nga ai,” ngu nna shi hpe tsun wu ai.

MARKU 5:7

“Tsaw htum ai Karai Kasang a Kasha Yesu e! Nang ngai hpe hpa di mayu n ta? Nang ngai hpe n zingri n ga, Karai Kasang a marang e nang hpe ngai hpyi nem, nngai law!,” ngu nna nsen kaba hte jahtau wu ai.

LUKA 10:25

Tara sara langai mi Madu kaw sa nna, “Sara e, n htum n wai asak lu la hkra, ngai hpa galaw na rai ta?,” ngu nna Yesu hpe chyam dinglik yu wu ai.

YAWHAN 6:26

Yesu gaw, “Ngai nanhte hpe kaja wa teng teng tsun made ga, nanhte ngai hpe tam ai lam gaw, ngai madun ai lamik kumla ni a sung ai lachyum hpe chye na myit hkawn ai majaw n rai, muk lu sha nna hkru kat ai majaw sha tam ai rai nga myit dai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

KASA 16:30

Bai shan hpe woi pru nna, “Madu yan e ngai hkye hkrang la ai kaw du lu hkra kaning rai na rai ta?,” ngu nna san mu ai.

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

HEBRE 10:11

Yuda hkinjawng shagu gaw shi a daw jau ai amu ni hpe shani shagu galaw nga let, hkungga nawng jau ai lam amyu mi hpe sha law law lang galaw nga ai; rai ti mung ndai nawng jau ai hkungga ni gaw yubak mara ni hpe galoi mung yeng seng kau ya lu ai n rai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.