MIHKA 6:5 - Jinghpaw Common Language Bible 2009

⁵ Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

Jinghpaw Hanson Version Bible

⁵ Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

MIHKA 6:5 ပူးပေါင်းရင်းမြစ်များ

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 143:11

Madu e, na a ga sadi hte maren, ngai hpe mawai la e; na a mai kaja ai lam hta nye a ru tsang kaw na ngai hpe hkye hkrang la e!

SHAKAWN KUNGDAWN 36:10

Nang hpe chye chyap ai ni hpe matut nna tsaw ra nga u, ding hpring ai ni hpe matut nna mai kaja ai amu galaw nga u law.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

BU HKAWM 22:41

Hpang jahpawt e, Balak gaw Israela amyu masha ni hpe loi mi mu mada lu ai Bamot Bala kawng de Balam hpe woi lung wa wu ai.

BU HKAWM 23:27

Balak gaw, “Ngai hte rau sa rit, nang hpe kaga shara de naw woi sa de ga. Dai yang e nye a matu shanhte hpe matsa ya na Karai Kasang mahkoi hkraw dam nhten!,” ngu nna tsun wu ai.

BU HKAWM 25:1

Israela masha ni Akasia Kadit e but nga ma yang, lasha nlang ni dai yang na Moba num ni hte shut hpyit amu galaw hpang wa ma ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

BU HKAWM 31:16

Dai numsha ni gaw Balam hpaji daw matsun ai hta hkan nna amyu masha ni hpe woi hkalem nhtawm Peora e dai Madu hpe n kam n sham shangun nga ai hpe dum mu. Dai lam a majaw dai Madu a amyu masha ni hta ana zinli ari hkrum sha lai wa saga ai.

BU HKAWM 31:8

Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

TARA JAHPRANG 16:3

Nanhte dai lusha sha myit dai shaloi matsi bang ai muk sha lu na myit dai n rai; nanhte gaw Egutu mung kaw na tin shapun rai pru mat wa myit dai shaloi nanhte galaw manit dai zawn matsi n bang ai muk sanit ya tup sha lu na rai myit dai. Dai muk sha mu; dai hpe nni nkri muk ngu nna shamying na rai myit dai. Nanhte hkrung nga dingsa nni nkri shara ngu ai Egutu mung kaw na nanhte hpe woi shapraw wa ai nhtoi hpe adum nga na rai myit dai.

TARA JAHPRANG 23:6

Nanhte gaw amyu baw hku grin nga dingsa, ndai masha amyu baw ni hpe karum la na matu mung, shanhte hpe ngamu ngamai shangun ai lam galoi mung hkum galaw ya myit.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

YAWSHU 2:1

Dai hpang Yawshu gaw Akasia dap kaw na kin-yu lahkawng hpe Hkanan mung na Yerihko mare hpe sa lagyim maram yu na hkang dat wu ai. Shan dai mare de du ai shaloi Rahab mying ai shawa num a nta e sa nga shalai kau ma ai.

YAWSHU 3:1

Yawshu hte Israela amyu masha ni yawng hpang jahpawt e jau jau rawt nhtawm Akasia dabang kaw na pru wa let hka rap sa wa na matu dabang galaw da ai hkring sa shara Yawdan hka de sa wa ma ai.

YAWSHU 4:19

Dai amyu masha ni gaw shata langai ngu na nhtoi shi ya hta Yawdan hka rap kawt mat wa nhtawm Yerihko a sinpraw maga Gilgala e dap jung ma ai.

2 PETRU 2:15

Shanhte gaw lam ding ai hpe kau da nna shanhte a lam shamat kau manu ai; shanhte gaw Beora a kasha Balam hkan ai lam hta hkan nang mat masai. Balam gaw n teng n man ai amu galaw nna lu ai shabrai hpe ra marit ai wa rai nga ai.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

TARA AGYI 11:25

Nang gaw Moba Hkawhkam Zipora a kasha Balak hta grau kaja nga ai ngu myit nawn da wu ni? Shi gaw Israela hpe galoi mung grang dakat yu a ni? Shi gaw anhte hpe majan baw yu nu ni?

TARA AGYI 5:11

Madat mu! Garu kachyi nga ai shawa masha ni gaw hka htung ni hpe shinggrup nhtawm, dai Madu a awng padang lam ni hpe mung, Israela amyu masha ni a awng padang lam ni hpe mung tsun dan nga ma ai. Dai hpang Madu a amyu masha ni shanhte a mare ni kaw na yu sa ma ai.

1 SAMUELA 12:7

Nanhte nga nga ai shara hta ya tsap nga mu, nanhte hte nanhte a kaji kawa ni hpe hkye hkrang la na nga, dai Madu galaw nu ai chyalai amu ni yawng mayawng, nanhte hpe shadum jahprang na ngu dai Madu a man e ngai nanhte hpe deng na made ai.