MIHKA 6:3 - Jinghpaw Common Language Bible 2009

³ Dai Madu gaw, “Nye a amyu masha ni e, Ngai nang hpe hpa amu galaw yu sata? Ngai nang hpe kade wa jahki shaba yu a ni? Ngai hpe htan e.

Jinghpaw Hanson Version Bible

³ Nye a amyu e, ngai nang hpe hpa galaw yu n ta? nang hpe kaning di jahki shaba yu n ta? ngai hpe htan ya e.

MIHKA 6:3 ပူးပေါင်းရင်းမြစ်များ

SHAKAWN KUNGDAWN 50:7

“Nye a amyu masha ni e, madat mu, ngai ga tsun nga nngai; Israela e, ngai nang hpe mara madun ai sakse hkam na nngai; Ngai gaw Karai Kasang na a Karai Kasang rai nga nngai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

SHAKAWN KUNGDAWN 81:13

Nye a amyu masha ni ngai tsun ai ga hpe na ya na, ngai kade myit ra nga a hka; nye a a ga hpe shanhte madat mara ya na, ngai kade wa marit nga a hka!

SHAKAWN KUNGDAWN 81:8

Nye a amyu masha ni e, ngai sadi jaw ai ga hpe madat la mu; Israela amyu masha ni e, ngai hpe madat ya na, ngai kade wa ra sharawng nga a hka!

ESAIA 5:4

Ndai sabyi sun a matu galaw na ngai hprai kau ai amu hpa wa naw nga nga a ta? Dai rai yang, hpa majaw ngai myit mada da ai kaja ai sabyi si ni n re ai sha, hkri ai sabyi si ni hpe shapraw ya nga a ni?

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.