MIHKA 6:2 - Jinghpaw Common Language Bible 2009

² Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

Jinghpaw Hanson Version Bible

² Bum ni hte dinggrin anga nga ai, lamu ga npawt nhpang ni e, Yehowa a dangrang hkat ai amu na la mu; kaning rai nme law, Yehowa gaw shi a amyu hte dangrang hkat ai lam nga nna, shi gaw Israela amyu hte ndang kalang hkat na ra ai.

MIHKA 6:2 ပူးပေါင်းရင်းမြစ်များ

2 SAMUELA 22:16

Dai Madu gaw shi a gumlau hpyen ni hpe daru kau nna, masin pawt let shanhte hpe shabam dat wu yang; panglai hka a htumpa ni dawng pru wa nna, ginding aga a npawt nhpang ni dan pru nga ai.

2 SAMUELA 22:8

Shaloi ginding aga gaw gari ashun nna awam nga ai; Karai Kasang masin pawt ai majaw sumsing lamu a npawt ni kangi kanga rai nna ashun awam nga ai!

SHAKAWN KUNGDAWN 104:5

Nang gaw ginding aga hpe de a npawt hta ngang ngang gaw da nna; dai gaw galoi mung shamu shamawt kau hkrum na n rai.

GA SHAGAWP 8:29

panglai hka ni hpe shi hkang da ai jarit hta lai nna, n rawt hta wa na matu, tsun da nu ai hte mungkan ga a npawt nhpang ni hpe shi gaw da ai shaloi, dai ni hta ngai nga nga ni ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 3:13

Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

ESAIA 43:26

“Tara rung de sa ga; na a mara shagun ai lam jashawn u! Nang teng man nga ndai hpe sakse madun na matu na a amu jashawn u!

ESAIA 5:3

Dai rai nna nye a manang wa gaw, “Nanhte Yerusalem hte Yuda mung hta shanu nga ai amyu masha ni e, sabyi sun hte nye a lapran na lam hpe jeyang ya mi.

YEREMIA 2:9

“Dai rai nna, dai Madu ngai gaw nye a amyu masha ni hte kalang bai dangrang hkat na nngai. Ngai gaw shanhte a aru arat ni hte mung dangrang hkat na nngai.

YEREMIA 25:31

shi a ngoi kadu ai nsen gaw mungkan ga a jahtum de du hkra hpungtang kashaw mat wa na ra ai. Dai Madu gaw masha amyu baw ni hte amu rawng nga ai. Shi gaw tara jeyang na matu amyu masha ni yawng hpe woi la na ra ai, n shawp n kap ai ni hpe sat kau na ra ai, nga nna Dai Madu tsun nu ai,’” ngu nna tsun lu na rin dai.

YEREMIA 31:37

Lani mi na nhtoi hta, sumsing lamu hpe shadawn lu nna ginding aga a npawt nhpang ni hpe sawk yu lu ai rai yang chyu sha, Israela amyu masha ni shanhte yawng galaw sai amu a majaw shi kabai kau na ra ai. Dai Madu nan tsun nu ai.

HOSEA 12:2

Dai Madu gaw Yuda amyu masha ni hpe mara shagun na lam naw nga nga ai: shi gaw Israela hpe mung, shi galaw ai arawn alai hte maren ari jaw na ra ai. Shanhte galaw manu ai amu hte maren, shi shanhte hpe htang jaw na rai wu ai.

HOSEA 12:3

Shanhte a kaji Yaku gaw shi a marun kahpu Esaw hte kanu a hkritung e naw rawng nga ai kaw nna shan shada da malan da ting hkat ma ai; Yaku kaba wa yang, Karai Kasang hte kamu hkat wu ai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

MIHKA 6:1

Israela hte dangrang hkat ai dai Madu a amu hpe madat mu. O Madu e, rawt u, na a amu jashawn u; bum ni hte kawng ni nang hpa tsun ai lam na la mu ga.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

TARA JAHPRANG 4:26

Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.