MIHKA 6:16 - Jinghpaw Common Language Bible 2009

¹⁶ Hkawhkam Omri hte shi a kasha Hkawhkam Ahab ni a n hkru ai amu ni hta nang hkan galaw nga ndai majaw ndai lam byin wa na ra ai. Nang gaw shanhte a myit masa hta matut nna hkan nang nga ai majaw ngai nang hpe jahten kau na nngai; masha hkum shagu nang hpe asawng asang di kau na mara ai. Shara shagu hkan na amyu masha ni gaw nang hpe n kaw n law matsat kau na mara ai,” ngu nna tsun ai.

Jinghpaw Hanson Version Bible

¹⁶ Kaning rai nme law, Omri a matsun maroi ga hte, Ahab a nta na ni galaw ai amu mahkra hpe, nang hkan galaw nna, shanhte a hpaji daw ai lam hta, nanhte hkan nang nga myit dai; dai rai nna, ngai nang hpe shingran katsi ai shara shatai nna, mare masha ni gaw asawng asang shara tai na mara ai: nye amyu masha ni hkrum ai shatan nhkan, nanhte a ntsa e mara na ra ai.

MIHKA 6:16 ပူးပေါင်းရင်းမြစ်များ

1 HKAWHKAM 18:4

Yezebela gaw dai Madu a myihtoi ni hpe sat kau wu yang, shanhte hta na marai latsa hpe hpung lahkawng garan nhtawm, hpung mi hta marai manga shi shi di nna lungpu hku ni hkan woi makoi da nna shahpa hte lu hka ntsin jaw nhtawm bau da wu ai.)

1 HKAWHKAM 9:8

Ndai Nawku Htingnu gaw sumpum kaba langai zawn hten run mat nna lam hku lai wa ai masha shagu hte gaw mau kajawng mat nhtawm, ‘Dai Madu gaw hpa majaw ndai mungdan hpe mung, Nawku Htingnu hpe mung ndai zawn galaw kau a ta?,’ nga nna san na mara ai.

2 HKAWHKAM 16:3

dai Madu shi a Karai Kasang n ra sharawng ai amu hpe galaw nhtawm Israela hkawhkam ni a kasi hkan dagraw nang nga wu ai. Shi gaw hpara sumla ni hpe wan nat hkungga nawng jau na matu shi a kasha hpe pyi nawng jau ya wu ai; Israela masha ni rawt lung wa yang, dai Madu gawt shapraw kau ai masha amyu ni a matsat shabat re ai lam hta hkan dagraw nang nga ma ai.

2 HKAWHKAM 21:3

Shi a kawa Hezekia run jahten kau sai tara maigan masha ni a nawku shara ni hpe shi bai de da nna, Israela Hkawhkam Ahab galaw nu ai hte maren, Bala hpe nawku na tawn hkungri ni hpe shi galaw nna Ashera karai num a gawkngu sumla hpe mung galaw nu ai. Manashe gaw shagan ni hpe nawku wu ai.

2 HKAWHKAM LABAU 22:4

Shi a kawa si mat ai hpang Hkawhkam Ahab a dinghku masha ni shi a hpaji jaw masha ni tai wa nna, shanhte gaw shi hpe hkrat sum mat hkra lam woi shadam kau ma ai majaw dai Madu hpe shi shut kau nga wu ai.

2 HKAWHKAM LABAU 34:25

Shanhte gaw ngai hpe ningdang kau nna kaga karai shaje ni hpe shagu hkungga ni nawng ya ai amu yawng mayawng galaw let ngai hpe pawt sindawng shangun nga masai. Nye a masin kahtet ai gaw Yerusalem hpe hkap daw na masin shalut ya nga ai rai nna dai gaw krip mat na n rai.

SHAKAWN KUNGDAWN 1:1

N hkru ai masha ni a hpaji daw ai lam hpe ningdang ai ni, yubak kap ai ni a kasi hta n hkan nang ai ni, Karai Kasang hpe jahpoi asawng ai ni hte rau n dung lawm ai ni gaw a nga ai.

SHAKAWN KUNGDAWN 44:13

Anhte a htingbu ni gaw nang anhte hpe kaning di kau sai lam hpe mu nga ma ai rai nna, shanhte gaw anhte hpe ashu ai hte mani asawng nga ma ai.

SHAKAWN KUNGDAWN 44:14

Amyu baw ni a ka-ang e, nang anhte hpe mani chyai hpa galaw kau nit dai rai nna; shanhte gaw shanhte a baw kanga let, anhte hpe jahpoi asawng nga ma ai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 9:16

Ndai amyu masha ni hpe lam woi ai ni gaw shanhte hpe lam shadam kau manu ai, shanhte hpe tsep kawp kashuk kashak shabyin kau manu ai.

YEREMIA 19:8

Dai zawn re ai hkrit hpa jahten sharun lam hpe ndai mare hta ngai shabyin dat na nngai; dai mare hku lai hkawm ai masha langai hte langai gaw yu kajawng ai hte mau mahka mat na mara ai.

YEREMIA 25:18

Yerusalem hte Yuda mare ni yawng, de a hkawhkam ni hte mung up hkang du salang ni yawng hte gaw arau sha dai gawm kaw na lu nga ma ai. Shanhte gaw katsi katsang shara, hkrit hpa shara hte yu kajawng na zawn re ai shara tai masai; amyu masha ni mung shanhte a mying hpe ya du hkra naw galaw nga ai arawn alai hte maren dagam dala shara tai nga ai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 29:18

Ngai gaw shanhte hpe hpyen majan, kawsi hpang gara hte ana zinli ni hte hkan shachyut na nngai; mungkan ga na masha amyu baw ni yawng shanhte hpe mu mada ai hte hkrit kajawng mat na mara ai. Shanhte hpe ngai shaden shabra kau ai shara shagu hkan amyu masha ni gaw shanhte hta byin lai mat wa sai lam ni a majaw mau kajawng ai hte hkrit gari wa na mara ai. Masha amyu masha ni gaw shanhte hpe asawng asang di ai hte shanhte a amying hpe dagam dala ga zawn lang na mara ai.

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

SHARUNG SHAYAWT 5:1

O Madu e, anhte hta hpa byin nga sai lam hpe dum nga u. Anhte hpe mada yu nna, anhte hpe jahpoi jahpyak ai lam hpe mu ya e.

EZEKELA 39:26

Shanhte hpe jahkrit shama ai ni kadai mung n nga ai sha, shanhte a mungdan hta shim lum ai hte lang mi bai shanu nga lu ai shaloi, ngai hpe gumle gumlau di ai a majaw shanhte kade wa myi man sum hkrum nga ai hpe shanhte malap kau lu na mara ai.

Daniela 9:16

Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

HOSEA 12:14

Israela amyu masha ni mahtang dai Madu hpe aja awa pawt bu shangun ma ai; shanhte shut kau ai ru hka amu ni a majaw si ari hkam la ging nga ma ai. Shanhte shi hpe kaya kahpa shabyin ma ai majaw, dai Madu shanhte hpe ari jaw na ra ai.

HOSEA 5:11

Israela gaw dip gamyet sha hkrum ai nni nkri hkrum sha nga ma ai; shi gaw jaw ya na hpa n lu ai ni hpe karum na matu shadut nga ai majaw tara ai hku madu da ai shi a lamu ga hpe shamat kau nu ai.

MIHKA 2:6

Amyu masha ni gaw ngai hpe hkaw tsun ai hte, “Anhte hpe mungga hkum hkaw mi. Dai hte seng ai lam yawng hkum hkaw hkum tsun myit. Karai Kasang gaw anhte hpe sari jahpa ya nga ai n rai.

MIHKA 6:13

Dai rai nna, na a yubak ni a majaw, nang hpe jahten sharun hpang na ngai lajang da ngut chyalu rai ni ai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.