MIHKA 6:13 - Jinghpaw Common Language Bible 2009

¹³ Dai rai nna, na a yubak ni a majaw, nang hpe jahten sharun hpang na ngai lajang da ngut chyalu rai ni ai.

Jinghpaw Hanson Version Bible

¹³ Dai re majaw ngai nang hpe hkala nba kaba hte jahpye nngai; na a yubak majaw, ngai nang hpe shingran katsi ai shara shatai nngai.

MIHKA 6:13 ပူးပေါင်းရင်းမြစ်များ

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

SHARUNG SHAYAWT 3:11

Shi gaw ngai hpe lam dingyang hkan shachyut nhtawm ngai hpe amya je nna ngai hpe tawn kau da nga ai.

SHARUNG SHAYAWT 5:16

Anhte a gumrawng shara yawng hpa mung n nga sai. Anhte yubak galaw ga ai hte, ya chyawm gaw ari hkrum saga ai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

HOSEA 5:9

Ari jaw ai nhtoi gaw du wa nga sai, Israela gaw hten run mat na ra ai. Israela amyu masha ni e, ndai lam teng teng byin wa na ra ai!

JAW JAU 26:16

Ngai gaw nanhte hpe tsi la n lu ai ana ahkya hte mung, nanhte hpe myi n mu shangun lu ai machyi makaw hte nanhte a asak hpe hkra shangun na ru yak tsin-yam tsindam shangun dat na we ai. Nanhte a gumlau hpyen ni mahtang nanhte hpe ka-up kau nhtawm nanhte hkai shakut da ai nsi naisi ni hpe sha kau na mara ai.

MIHKA 1:9

Samari a ningma ni hpe tsi lajang lu na n rai; Yuda mung mung dai hte maren nni nkri hkam sha ra nna, dai gaw nye a amyu masha ni shanu nga ai Yerusalem chyinghka ni de du hkra jahten shaza ai lam hkan dep nang nga ai,” ngu nna tsun ni ai.

MIHKA 6:16

Hkawhkam Omri hte shi a kasha Hkawhkam Ahab ni a n hkru ai amu ni hta nang hkan galaw nga ndai majaw ndai lam byin wa na ra ai. Nang gaw shanhte a myit masa hta matut nna hkan nang nga ai majaw ngai nang hpe jahten kau na nngai; masha hkum shagu nang hpe asawng asang di kau na mara ai. Shara shagu hkan na amyu masha ni gaw nang hpe n kaw n law matsat kau na mara ai,” ngu nna tsun ai.

MIHKA 7:13

Rai ti mung dai mungkan ga hta nga ai ni a n hkru ai amu ni a majaw, mungkan ga gaw katsi katsang shara tai mat na ra ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.