MIHKA 6:12 - Jinghpaw Common Language Bible 2009

¹² Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

Jinghpaw Hanson Version Bible

¹² Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MIHKA 6:12 ပူးပေါင်းရင်းမြစ်များ

SHAKAWN KUNGDAWN 120:2

Madu e, masu magaw ai masha ni hte hkalem hkalau chye ai masha ni a lata kaw nna ngai hpe hkye hkrang la e.

SHAKAWN KUNGDAWN 35:20

Shanhte gaw hku hku hkau hkau rai n shaga ma ai; shing rai tsun na malai, shanhte gaw ngwi pyaw sim sa lam tam ai ni hpe, masu magaw lam amyu myu hte shatan nhkan di ma ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

YEREMIA 9:8

Shanhte a shinglet ni gaw sat kau chye ai pala ni hte bung nna, shanhte gaw tut nawng e masu magaw ga ni tsun ma ai. Masha shagu gaw tinang a htingbu ni hpe hku hkau ga tsun ma ai, rai ti mung, shanhte gaw dai ni a matu mahkam hpe teng teng hkam da nga ma ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

HOSEA 7:13

“Shanhte gaw dingnye hkrum nga ma hka! Shanhte gaw ngai hpe kau da ai hte ngai hpe gumlau ma ai. Shanhte gaw shamyit kau ai hkrum na rai ma ai. Ngai shanhte hpe hkye la mayu nngai, rai ti mung shanhte ngai hpe nawku ai lam gaw n jaw nga malu ai.

AMO LAIKA (AMOS) 2:4

Dai Madu gaw, “Yuda amyu masha ni gaw lang hte lang yubak galaw shut kau manu ai, dai lam a majaw, ngai shanhte hpe teng teng ari jaw na nngai. Shanhte gaw nye a sharin shaga ai ga matsun ni hpe n kaw n law di ma ai, nye a hkang da ai ga ni hta n hkan sa ma ai. Shanhte gaw shanhte a kaji kawa ni hkan nang yu sai akyu n rawng ai hpara sumla ni hta nan lam yit nga masai.

AMO LAIKA (AMOS) 6:4

Zing hkam ai yup ra ntsa hta hkum chyan nna dumsu hkalung hte sagu kasha shan sha ai gaw nanhte a matu kade sha hkrit hpa rai na rai nga a hka!

ZEHPANI 1:9

Maigan nawku htung hkan ai ni zawn nawku ai ni hte shanhte a madu ni a nta hpe arung arai lagu, masha sat amu jahpring ya ai ni mahkra hte hpe ngai ari jaw na we ai.

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.

ROMA 3:13

Shanhte a ga ni gaw hkrithpa hkalem ai, nam-nyan hte hpring nga malu ai; shanhte a shinglet ni n hkru n kaja masu ai lam ni tsun chye nga ai. Shanhte a nten ni hta hkrithpa jahkrit shama ai lam ni gaw pu htum atuk zawn rawng nga malu ai.