MIHKA 6:1 - Jinghpaw Common Language Bible 2009

¹ Israela hte dangrang hkat ai dai Madu a amu hpe madat mu. O Madu e, rawt u, na a amu jashawn u; bum ni hte kawng ni nang hpa tsun ai lam na la mu ga.

Jinghpaw Hanson Version Bible

¹ Rawt u, bum ni a man e dangrang hkat nna, kawng ni hpe na a nsen na shangun u, nga nna Yehowa ngai hpe tsun ai ga, ya na la mu.

MIHKA 6:1 ပူးပေါင်းရင်းမြစ်များ

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 50:4

Shi a amyu masha ni hpe shi tara jeyang ai hpe mu lu na matu, Madu gaw sumsing lamu hte ginding aga hpe sakse shatai na nga, shaga dat wu ai.

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 3:13

Dai Madu gaw shi a amu tsun na matu jin jin rai nga ai; shi gaw shi a amyu masha ni hpe jeyang na matu jin jin rai nga ai.

YEREMIA 13:15

Israela amyu masha ni e, dai Madu ga tsun nu ai! Shagrit shanem ai hte shi a ga hpe madat mu.

YEREMIA 22:29

O lamu ga e, lamu ga, lamu ga e, Dai Madu ning nga tsun sai ga hpe madat u:

EZEKELA 36:1

Dai Madu gaw, “Si chye ai masha wa e, Israela bum ni hpe tsun u, Tsaw Htum ai dai Madu ngai nan shanhte a matu tsun dan sai mungga hpe madat mara na matu, shanhte hpe htawn tsun u: Israela a gumlau hpyen ni mahtang, ‘Ya chyawm gaw, moi chyaloi nhkoi kaw na kawng ni anhte a lata hta rai nga sai!,’ ngu nna myit dik ai hte azi yu let tsun nga ma hka!’

EZEKELA 36:8

Rai ti mung, nye a Israela amyu masha ni e, hpun ni gaw Israela bum ni hta e nanhte a matu kalang mi bai tu wa nna asi si wa na ra ai. Nanhte mung kade n na yang, buga dum nta de wa lu na marin dai.

EZEKELA 37:4

Shi gaw, “Ndai nrut nra ni hpe myihtoi htoi u. Ndai hkraw ai nrut nra ni dai Madu ma ga hpe madat mara na matu htawn tsun u.

EZEKELA 6:3

Tsaw Htum ai dai Madu mungga hpe na la na matu Israela a bum ni hpe htawn tsun u; bum ni, kawng ni, hkaraw ni hte kadit ni e, Tsaw Htum ai dai Madu ngai hpa tsun nga ai hpe na la mu. Ngai gaw amyu masha ni hpara sumla nawku ai shara ni hpe jahten kau na matu, nhtu hpe shangun dat na nngai.

AMO LAIKA (AMOS) 3:1

Israela amyu masha ni e, nanhte hte seng nna dai Madu tsun nu ai ndai mungga hpe mung, shi gaw amyu baw ting hpe Egutu mung kaw nna woi wa sai lam hpe mung madat mu:

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

MIHKA 5:15

Nye a ja la ai masin kahtet ai a majaw, nye a ga n madat n mara nga sai masha amyu baw ni yawng a ntsa e ngai matai htang na we ai,” ngu nna tsun ai.

MIHKA 6:2

Bum ni hte dinggrin anga nga ai mungkan ga na npawt nhpang ni e, dai Madu a amu madat mu! Dai Madu gaw shi a amyu masha ni hte dangrang na amu langai lu nga ai. Shi gaw Israela hpe mara shagun na ra ai.

LUKA 19:40

Yesu gaw, “Ngai nanhte hpe tsun made ga, ndai ni atsin sha nga ma yang gaw, nlung ni shanhte dai jahtau na mara ai,” ngu nna htan wu ai.

TARA JAHPRANG 32:1

“Sumsing lamu hte ginding aga e, nye a ga ni hpe na la u, ngai kaning nga tsun nga ai ga hpe ani sha madat la u.

TARA JAHPRANG 4:26

Ngai gaw sumsing lamu hte ginding aga a mying gang let, nanhte hpe sakse hkam da made ga, nye a ga hpe nanhte n madat n hkan sa ai rai yang, kade n na yang, dai mungdan hta htum mat na rai myit dai. Yawdan hka rap nna nanhte shang madu la hkyen ai mungdan hta grai na hkra hkrung nga lu na myit dai n rai. Nanhte gaw tsep kawp shamyit kau ai hkrum na rai myit dai.

1 SAMUELA 12:7

Nanhte nga nga ai shara hta ya tsap nga mu, nanhte hte nanhte a kaji kawa ni hpe hkye hkrang la na nga, dai Madu galaw nu ai chyalai amu ni yawng mayawng, nanhte hpe shadum jahprang na ngu dai Madu a man e ngai nanhte hpe deng na made ai.

1 SAMUELA 15:16

Samuela gaw, “Naw hkring u; dai Madu ngai hpe mana e tsun ai ga, ngai nang hpe tsun dan na we ai,” ngu nna hkang da wu ai. Shawlu gaw, “Ngai hpe tsun dan e,” ngu nna tsun wu ai.