MIHKA 5:8 - Jinghpaw Common Language Bible 2009

⁸ Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

Jinghpaw Hanson Version Bible

⁸ Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

MIHKA 5:8 ပူးပေါင်းရင်းမြစ်များ

NINGPAWT NINGHPANG 49:9

Yuda gaw nam shan hpe kawa sat nna shi a lungpu de nhtang wa nhtawm Galeng gumkan nga ai hkanghkyi hte bung nga ai. Kadai mung shi hpe shatu gwi na n rai.

SHAKAWN KUNGDAWN 104:20

Shana hpe nang hpan da nna nsin e, nam na matse labye ni yawng pru hkawm nga ma ai.

SHAKAWN KUNGDAWN 44:5

anhte gaw gumlau hpyen ni hpe na a daru magam n-gun hte dang ga ai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

GA SHAGAWP 30:30

Dai ni gaw, hkanghkyi: dusat yawng hta n-gun ja htum rai nna kadai hpe mung n hkrit nga ai,

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

EZEKELA 39:10

Shanhte gaw wan ju na matu hpyen laknak arung arai ni lu nga ma ai majaw, layang hkan e hpun n hta, maling hkan e mung hpun n kran ra na mara ai. Shanhte hpe hpya lu hpya sha, kashun kashe lanep hta ai ni hpe shanhte hpya lu hpya sha nna kashun kashe lanep hta la na mara ai,” ngu nna tsun ai. Tsaw Htum ai dai Madu tsun nu ai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

MIHKA 4:7

Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,” nga nna tsun ai.

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

ZEHKARIA 11:6

(Dai Madu gaw, “Ngai gaw ginding aga ntsa na masha kadai hpe mung galoi mung n matsan dum na nngai. Ngai nan amyu masha ni hpe shanhte a mung up du ni a lata hta ap kau na mawe ai. dai mung up du ni gaw ginding aga hpe jahten shaza kau na mara ai; shanhte a lata kaw na ngai hkye hkrang la na nngai n rai,”) ngu nna tsun wu ai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

ZEHKARIA 14:18

Egutu masha ni Sum Poi n galaw hkraw ai rai yang, lung wa na matu ningdang ai masha amyu baw shagu a ntsa e dai Madu shangun dat ai ana zinli hte maren shanhte hkrum sha na rai ma ai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

MALAHKI 4:3

Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

MAHTE 10:14

Nanhte hpe n hkap hkalum la nna nanhte a ga hpe n madat yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu da mu.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.