MIHKA 5:5 - Jinghpaw Common Language Bible 2009

⁵ shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

Jinghpaw Hanson Version Bible

⁵ Dai wa gaw anhte a ngwipyaw madu tai na ra ai. Asuri wa gaw anhte a mung hta shang nna, anhte a htingnu ni hpe kabye yang, shi hpe hkap daw na matu, sagu rem sanit hte agyi matsat, anhte kaw na pru na ra ai.

MIHKA 5:5 ပူးပေါင်းရင်းမြစ်များ

YOBA 5:19

Shi gaw nang hpe aten mi hte aten mi machyi hkrum ai kaw na hkye mawai la na ra ai;

SHAKAWN KUNGDAWN 72:7

Dai ding man ai lam gaw nye a asak prat tup hta galu kaba nga u ga; shata gaw shi a nhtoi hpe jaw ya lu nga dingsa, ngamu ngamai ai lam agrin nga u ga.

GA SHAGAWP 30:18

Nye a matu n dang chye lu ai mauhpa lam mali mung nga nga ai.

GA SHAGAWP 30:29

Shanhte hkawm sa wa yang, myit hta chyung shangun hkra yu azi mai ai amyu mali mung nga nga ai.

GA SHAGAWP 6:16

Dai Madu n dawng n yawt ai hte n hkam sharang lu ai lam, amyu sanit nga nga ai; dai ni gaw gumrawng gumtawng ai myi man nsam, masu magaw ga tsun ai shinglet, mara n kap ai wa hpe sat kau ai lata, n hkru n kaja ai hpe maw mawn hpaji daw ai myit masin, kajam kalam galaw na, lawan ai lagaw, masu ga langai hpang langai tsun nna sakse hkam ai wa, manaw manang shada da a lapran e, ru yak tsin-yam hpe shalut kabrawng ya ai wa rai nga ai.

HPAJI NINGLI 11:2

Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 44:28

Ngai gaw Kuru hkawhkam wa hpe, ‘Nang gaw nye a matu up hkang ai wa tai na rin dai; ngai nang hpe galaw shangun mayu ai amu hpe nang galaw na rai ndai: Yerusalem gaw bai de da na lam mung, Nawku Htingnu a npawt nhpang ni hpe jahkrat tawn na lam hpe mung, nang tara shapraw na rai ndai,’” ngu nna tsun ai.

ESAIA 59:19

Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.

ESAIA 65:8

Dai Madu gaw, “Kadai mung kaja ai sabyi si ni hpe n jahten ma ai, shing di na malai, shanhte gaw dai ni hte sabyi ntsin galaw ma ai. Ngai gaw nye a amyu masha ni yawng hpe jahten kau na n rai-ngai hpe daw jau ai ni hpe ngai hkye hkrang la na nngai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 33:15

Dai aten hta ding hpring ai Dawi a aru arat hpe hkawhkam hku nna ngai lata san da na nngai. Dai hkawhkam wa gaw mungdan ting hta ding hpring ai hte teng man ai hku bungli daw dan na ra ai.

AMO LAIKA (AMOS) 1:3

Dai Madu gaw, “Damasku masha ni lang hte lang yubak galaw shut nga masai; dai lam a majaw ngai shanhte hpe ari teng teng jaw na nngai. Shanhte gaw Gilead masha ni hpe matse gumshem ai myit hte di kau ma ai.

AMO LAIKA (AMOS) 1:6

Dai Madu gaw, “Gaza masha ni gaw lang hte lang yubak galaw shut kau nga masai, dai lam a majaw ngai shanhte hpe teng teng ari jaw na nngai. Shanhte gaw amyu ting hpe rim la nna Edom masha ni a lata de mayam hku dut kau dat ma ai.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

ZEHKARIA 10:3

Dai Madu gaw, “Nye a amyu masha ni hpe up ai maigan masha ni hpe ngai pawt bu nngai majaw, shanhte hpe ari jaw na mawe ai. Yuda amyu masha ni gaw nye a rai nga li ai majaw, Chyahtum Chyalai N-gun rawng ai dai Madu ngai nan shanhte hpe bau sin na nngai. Shanhte gaw n-gun ja ai majan gumra ni tai na mara ai.

ZEHKARIA 12:6

“Dai aten hta Yuda amyu lakung ni hpe maling kata na wan hte yi sun na hkauling kata na wan zawn shatai na nngai; shing rai shanhte gaw grup yin masha amyu baw ni hpe jahten shaza kau na mara ai. Yerusalem mare masha ni chyawm gaw mare kata hta shim lum ai hte shanu nga lu na mara ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

ZEHKARIA 9:13

Ngai gaw Yuda hpe hpyenla langai a ndan zawn, Israela hpe pala ni zawn lang na nngai. Ngai gaw Ziun masha ni hpe nhtu zawn lang nna Grik masha ni hpe gasat na nngai.”

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:14

Sumsing lamu na hpyen luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.