MIHKA 5:4 - Jinghpaw Common Language Bible 2009

⁴ Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

Jinghpaw Hanson Version Bible

⁴ Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MIHKA 5:4 ပူးပေါင်းရင်းမြစ်များ

SHAKAWN KUNGDAWN 145:12

Shing rai, masha hkum shagu hte gaw na a atsam rawng ai magam bungli ni hte; hpung shingkang arawng sadang hte hpring nga ai, na a mungdan lam ni hpe chye na lu na mara ai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 72:8

Shi a mungdan gaw panglai kaw nna panglai du hkra, Uhprat hka nu kaw nna mungkan ga a jut mi de du hkra, dam lada wa na ra ai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

SHAKAWN KUNGDAWN 98:3

Shi gaw Israela amyu masha ni hpe shanhte a matu, sadi dung ai hte dinggrin tsaw ra myit hte shi a ga sadi hpe shagrin da nu ai; shing rai, shara shagu hkan na amyu masha ni yawng hte gaw anhte a Karai Kasang a awng padang hpe mu lu nga masai.

PRU MAT 23:21

Shi a man e sadi mu, shi a ga hpe madat mu. Ngai shi hpe shangun da ni ai rai nna shi hpe hkum gumlau nga myit. Dai zawn re ai gumlau lam hpe shi mara dat ya na ra ai n rai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

ESAIA 49:5

Ngai garai n shangai yang, dai Madu gaw ngai hpe san da nu ai; shi a amyu masha ni hpe woi nhtang wa na matu mung, bra mat wa sai Israela amyu masha ni hpe bai woi nhtang wa na matu mung, shi gaw ngai hpe shi a shangun ma shatai nu ai. Dai Madu gaw ngai hpe arawng sadang jaw nga ai; shi gaw nye a n-gun a npawt rai nga ai.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MALAHKI 1:5

Dai Israela amyu masha ni gaw shanhte a myi ni hte nan dai lam mu na mara ai, shanhte gaw, “Dai Madu gaw Israela mung a shinggan de du hkra pyi chyalai n-gun rawng nga ai!,” ngu nna tsun na mara ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

MAHTE 2:6

‘Yuda mung na Betlehem e, nang gaw Yuda mung na mare ni hta kaji htum nga ndai n rai; nye a amyu Israela hpe woi rem na Du gaw nang kaw nna paw pru na ra ai,’” nga ai, ngu nna shi hpe tsun dan mu ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

LUKA 1:32

Dai wa gaw galu kaba wa na ra ai rai nna, Tsaw Htum ai wa a kasha ngu, shi hkam la la na ru ai; Madu Karai Kasang mung, shi kawa Dawi a tingnyang shi hpe jaw na wu ai.

YAWHAN 10:38

Ngai galaw nngai rai yang gaw, nanhte ngai hpe n kam hkra rai ti mung, ngai hta nye Wa nga nga ai mung, nye Wa hta ngai nga nga ai mung, nanhte kalang ta mu nna chye lu myit ga, n law htum dai ngai galaw ai amu ni hpe nanhte kam sham ang myit dai,” ngu nna shanhte hpe htan mu ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.