MIHKA 5:2 - Jinghpaw Common Language Bible 20092 Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai. အခန်းကိုကြည့်ပါ။Jinghpaw Hanson Version Bible2 Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai. အခန်းကိုကြည့်ပါ။ |
MIHKA 5:2
57 ပူးပေါင်းရင်းမြစ်များ
Ndai lam hpe na nnu Rahkela a majaw ngai galaw nga nngai. Mesopotamia mung kaw nna ngai bai nhtang wa ai shaloi, Ehprat mare hte nau n tsan ai Hkanan mung hta shi si mat nna ngai hpe yawn hkyen kaba jahkrum nu ai. Dai rai nna Ehprat de sa wa ai lam makau e shi hpe ngai lup makoi se ai,” ngu nna tsun wu ai. (Ehprat hpe ya aten e Betlehem ngu ai re.)
Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.
Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.
Shanhte a up hkang du wa gaw shanhte a amyu kaw na du sa wa na ra ai, shanhte a hkawhkam kasha gaw shanhte a amyu masha ni kaw na pru wa na ra ai. Ngai shi hpe saw shaga ai shaloi, shi gaw ngai kaw shani sa wa na ra ai, saw shaga n hkrum ai sha, kadai wa sa gwi na rai nga a ta? Shanhte gaw nye a amyu masha ni tai na mara ai, ngai gaw shanhte a Karai Kasang tai na nngai. Dai Madu ngai nan tsun ni ai,” nga nna tsun ai.
Yerusalem masha ni e, shinggyim machyi ai num zawn kasha shangai na matu manai madai nga u. Hpa majaw nga yang, nang gaw ndai mare kaw nna pru mat wa ra ai hte pa ga de sa nga ra na ra ai. Nang gaw Babelon mung de du hkra sa mat wa ra nga tim, dai Madu gaw nang hpe dai shara na na a gumlau hpyen ni a lata kaw na mawai la na ra ai.
Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.
Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.
Israela hkawhkam garai n paw pru ai shawng na lai sai aten ni hta, dai mungdan hta hku hku yu nga sai. Dai majaw, Yuda mung Betlehem mare hta nga ai Ehprat amyu lakying na Elimelek mying ai masha wa gaw shi a madu jan Naomi hte shan a kasha yan rai nga ai Malon hte Hkilion ni hte rau Moba mung e ladaw langai sa nga na matu pru sa wa ma ai. Dai yang e, shanhte nga nga ma yang,
Mare a ningbaw ni hte kaga masha ni mung, “Rai sa, anhte gaw sakse ni rai nga saga ai. Yaku hpe kasha law law shaprat ya ai Rahkela hte Lea yan zawn na a madu jan hpe dai Madu hpajang ya nga u ga. Nang mung Ehprat a amyu lakying hta sut su ngamu ngamai wa ai hte Betlehem mare hta kajai gumhkawng wa nu ga.
Nanhte a ru yak tsin-yam tsindam hte mayak manghkang lam yawng hta na nanhte hpe hkye mawai shaw la ai wa mung, nanhte a Karai Kasang ngai nan rai nga nngai; rai ti mung dai ni nanhte ngai hpe ningdang kau nhtawm hkawhkam jaw ya mi, nga nna ngai kaw san myit dai. Rai sa, dai gaw grai kaja nga ai, dai rai nna dai Madu a man e amyu bawsang hte bawsang, lakung lama hte lakung lama rai nanhte nan hpawng nga mu,’” ngu nna tsun wu ai.
Dai re ai majaw, shi makoi nga ai shara ni hpe tup hkrak sagawn la lu jang mahtang, ngai kaw ading tawk shiga bai wa jaw mi. Shaloi ngai nanhte hte rau pru sa wa nna, dai ginwang hkan shi naw nga ai rai yang, Yuda mung ting ngai hkan sawk nna shi hpe hkan shachyut tam la na nngai,” ngu nna tsun wu ai.
Shi gaw shanhte hta na nkau mi hpe masha hkying mi up na du salang ni, masha manga shi up na du salang ni, shatai na rai wu ai. Nanhte a shadang sha nkau mi gaw shi a yi hkauna galau, shi a nai mam nsi naisi shu na hte shi a gumra leng ni a matu hkinghku shachyaw ai hte hpyen laknak ni hpe galaw shangun na rai wu ai.
ကြော်ငြာတွေ