MIHKA 5:10 - Jinghpaw Common Language Bible 2009

¹⁰ Dai Madu gaw, “Dai aten hta, ngai gaw na a gumra ni hpe la kau ya nna, na a hpyen leng ni hpe jahten agrawp kau na we ai.

Jinghpaw Hanson Version Bible

¹⁰ Dai shani e, ngai gaw, na a gumra ni hpe, na a ka-ang e, jahtum kau nna, na a leng ni hpe agrawp kau na nngai;

MIHKA 5:10 ပူးပေါင်းရင်းမြစ်များ

ESAIA 2:7

Shanhte a lamu ga gaw ja gumhpraw hte hpring nga nna, shanhte a sut gan ni htum ngu, n nga nga ai. Shanhte a lamu ga gaw gumra ni hte hpring nga ai, shanhte a gumra leng ni htum ngu, n nga nga ai.

YEREMIA 3:23

Anhte gaw kawng pungding ntsa hkan e anhte a tara maigan nawku ai lai hte loi mi pyi karum hkrum nga ga ai n rai, Israela a matu karum la lam gaw dai Madu anhte a Karai Kasang kaw na chyu sha du sa wa nga ai.

HOSEA 1:7

Rai ti mung, Yuda amyu masha ni hpe chyawm gaw tsaw ra myit madun dan na nngai. Dai Madu shanhte a Karai Kasang Ngai nan shanhte hpe hkye la na nngai, rai ti mung ngai gaw majan hta nhtu, ndan, pala, gumra hte gumra jawn masha ni hpe lang na n rai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

TARA JAHPRANG 17:16

Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai Madu shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.