MIHKA 5:1 - Jinghpaw Common Language Bible 2009

¹ Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

Jinghpaw Hanson Version Bible

¹ Ya chyawm gaw, luksuk laba ni a kanu e, na a luksuk laba ni hpe hkyen tawn u: hpyen wa gaw anhte hpe wang tawn sai; shanhte gaw, Israela tara agyi wa a shabyi hpe, ri tawng hte kayat na mara ai.

MIHKA 5:1 ပူးပေါင်းရင်းမြစ်များ

NINGPAWT NINGHPANG 35:19

Rahkela si mat ai shaloi, ya aten e Betlehem ngu nna tsun ai Ehprat de sa wa ai lam makau hta shi hpe lup makoi da mu ai.

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

1 HKAWHKAM 22:24

Dai hpang myihtoi Zedekia gaw Mihkaia hpang de sit lung wa nhtawm shi a myi man hpe kahpret ya let, “Dai Madu a wenyi gaw ngai kaw nna pru mat wa nhtawm nang kaw galoi aten e sa shaga yu a ni?,” ngu nna san wu ai.

2 HKAWHKAM 24:2

Dai Madu gaw shi a shangun ma myihtoi ni a n-gup aga hte tsun sai hte maren, Yehoiakim hpe ninghkap nna Yuda mung hpe shamyit kau na matu Babelon hpyen hpung mi, Suri masha hpyen hpung mi, Moba masha hpyen hpung mi hte Amon masha hpyen hpung ni hpe dai Madu shangun dat wu ai.

YOBA 16:10

Masha ni ngai hpe yu ashu ma ai; shanhte ngai hpe wang shinggrup da let, nye a myi man bye ya ma ai.

GA SHAGAWP 8:23

Lamu ga garai n nga ai, chyi n ma pri n pra ngu ai, shawng ningpawt kaw nna ngai gaw hpan da ai hkrum nga ni ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

ESAIA 8:9

Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

SHARUNG SHAYAWT 3:30

Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

EZEKELA 21:32

Nang gaw wan hte jahten shabyak kau hkrum na rin dai. Na a asai gaw mungdan hta nan jahkaw kau hkrum na rin dai; kadai mung nang hpe htawm hpang e dum na mara ai n rai.’” Dai Madu tsun nu ai.

EZEKELA 24:2

Shi gaw, “Si chye ai masha wa e, dai ni na nhtoi hpe ka matsing da u, hpa majaw nga yang, Babelon hkawhkam gaw dai shani hta nan Yerusalem hpe wang hpang tawn ai shani rai nga ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

YOELA 3:9

“Masha amyu baw ni hpe ndai lam ndau shabra mu: ‘Hpyen majan a matu hkyen mu; nanhte a share ninghkrin ni hpe shaga da mu; nanhte a hpyenla ni hpe shinggyin la nna rawt lung wa manu!

AMO LAIKA (AMOS) 2:3

Ngai gaw Moba mungdu wa hte dai mung na ningbaw ni yawng hpe sat kau na nngai,” ngu nna tsun ai.

HABAKU 1:6

Ngai gaw gumshem nna kadau kadap re ai Babelon masha ni hpe daru magam n-gun jaw ya na nngai. Shanhte gaw kaga mungdan ni madu la lu hkra nga, mungkan ga ting hproi hkawm nga ma ai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 27:30

Bai shanhte shi hpe mayen mahtaw bun nhtawm, dai kumba yan hpe shanhte la nna, shi a baw hpe kayat ya mu ai.

MAHTE 5:39

Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

YAWHAN 18:22

Yesu shing ngu wu yang, makau e tsap nga ai sin nga ai ni hta na langai mi gaw, Yesu hpe kahpret nna, “Hkinjawng Agyi Kaba wa mi ting hpe nang shing nga htan gwi nga n ni!,” ngu wu ai.

YAWHAN 19:3

Shing di nhtawm, shi hpang de shanhte sit sa nna, “Yuda ni a Hkawhkam e, asak galu n ga law!,” ngu nna tsun let shi hpe kahpret ma ai.

KASA 23:2

Hkinjawng agyi Anani gaw, “Shi a n-gup bye ya mu,” nga nna makau e tsap nga ai ni hpe tsun mu ai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

TARA JAHPRANG 33:27

Karai Kasang gaw chyi nma, pri npra kaw na na a Dahpran shara rai nga ai; shi a htani htana na lata lahpum gaw nang hpe shadaw ya nga ai. Nanhte a shawng e shi lung wa nna, gumlau hpyen ni yawng hpe jahten shabyak kau mu nga, tsun let nanhte a hpyen ni hpe shi gawt shapraw kau wu ai.

TARA AGYI 17:7

Dai aten e nan, Yuda mung Betlehem mare hta Lewi shabrang langai mi nga nga ai.