MIHKA 4:6 - Jinghpaw Common Language Bible 2009

⁶ Dai Madu gaw, “Ngai zingri zingrat yu sai amyu masha ni hte bawng dung ai shara hkan nni nkri hkrum sha yu sai ni hpe bai shinggyin la ai aten du wa nga sai,” ngu nna tsun ai.

Jinghpaw Hanson Version Bible

⁶ Yehowa ning nga ai: Ngai gaw, dai shani e, lagaw hten ai ni hpe shinggyin la nna, gawt kau hkrum ai ni hte, ngai zingri zingrat yu ai ni hpe, hpawng shangun na nngai:

MIHKA 4:6 ပူးပေါင်းရင်းမြစ်များ

SHAKAWN KUNGDAWN 147:2

Dai Madu gaw Yerusalem mare hpe bai de da nna, bra hkawm mat wa sai Israela amyu masha ni hpe bai shinggyin la nga ai.

SHAKAWN KUNGDAWN 38:17

Ngai gaw kataw na sha rai ni ai hte n sim n sa machyi ai mung hkrum nga nngai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

YEREMIA 3:18

Israela gaw Yuda hte matut nna shanhte gaw dingdung maga na mungdan hta bawng dung hkrum nga ai kaw na wa nhtawm prat dingsa madu nga na matu na a nji nwa ni hpe ngai jaw da sai lamu ga de nhtang wa na mara ai.

YEREMIA 31:8

Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.

EZEKELA 36:24

Ngai gaw nanhte hpe amyu baw shagu hte mungdan shagu kaw na shapraw la nhtawm nanhte a mungdan majing de woi nhtang wa na nngai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

ZEHPANI 3:19

Aten gaw du wa nga sai! Ngai gaw nanhte hpe dip gamyet sha ai ni hpe ari jaw na nngai; daw hten ai masha ni yawng hpe ngai mawai la na nngai, bawng dung hkrum nga ai ni yawng hpe dum nta de woi wa na nngai. Ngai gaw shanhte a kaya kahpa hpe shagrau sha-a ai hku bai jaw ya na nngai, mungkan ga yawng gaw shanhte hpe shakawn na mara ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.