MIHKA 4:2 - Jinghpaw Common Language Bible 2009

² shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

Jinghpaw Hanson Version Bible

² Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

MIHKA 4:2 ပူးပေါင်းရင်းမြစ်များ

SHAKAWN KUNGDAWN 110:2

Madu gaw na a hkawhkam daru magam arawng sadang hpe Ziun kaw nna shara shagu de, maden dat na ra ai. Shi gaw nang hpe, “Na a gumlau hpyen ni a ntsa e, up hkang nga u,” nga nna tsun nga ai.

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 119:171

Nang ngai hpe na a tara ni sharin ya ai majaw, nang hpe ngai tut nawng shakawn nga na nngai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 25:12

Madu hpe madat mara ai ni gaw shanhte hkan sa ra ai lam ni hpe shi kaw nna sharin la na mara ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

ESAIA 54:13

“Ngai hkum nan na a amyu masha ni hpe sharin achyin ya na nngai, shanhte hpe ngamu ngamai lam hte ngwi pyaw sim sa lam jaw ya na nngai.

ESAIA 56:7

“Ngai gaw nang hpe nye a chyoi pra ai kawng ngu ai Ziun de woi sa nna, nye a akyu hpyi nta hta nang hpe kabu gara lam jaw na nngai, nye a tawn hkungri ntsa nang nawng jau ya ai shagu hkungga ni hpe hkap la na nngai. Nye a Nawku Htingnu gaw masha amyu baw ni yawng a amyu masha ni a matu akyu hpyi ai nta langai ngu shamying hkrum na ra ai.”

YEREMIA 31:6

Rai sa, Ehprim bum ntsa hkan e sin nga ai masha ni gaw, ‘Ziun bum e nga ai dai Madu anhte a Karai Kasang hpang de anhte rawt lung wa saga, nga nna marawn tsun ai aten du wa na ra ai,’” nga ai.

YEREMIA 42:3

Anhte hkawm sa ang ai hkrun lam hte anhte hpa galaw ang ai amu hpe dai Madu anhte a Karai Kasang anhte hpe lam madun la mi ga, akyu hpyi ya mi law,” ngu nna tsun ma ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

ZEHKARIA 14:16

Dai hpang, Yerusalem hpe gasat sa wa ai masha amyu baw ni hta na naw hkrung nga ai ni langai hte langai gaw Chyahtum Chyalai N-gun rawng ai dai Madu ngu ai Hkawhkam wa hpe nawku na matu mung, Sum Poi galaw na matu mung, shaning shagu dai mare de lung wa na mara ai.

ZEHKARIA 2:11

Dai aten e, masha amyu baw law law ni dai Madu hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 13:42

Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi bai nhtang sa nna ndai lam ni hpe grau nna hkaw tsun dan na saw shaga ma ai.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.