MIHKA 4:12 - Jinghpaw Common Language Bible 2009

¹² Rai ti mung, dai masha amyu baw ni gaw dai Madu a myit kraw kata hta hpa baw myit mang nga ai lam hpe n chye nga ma ai. Hkauling hpe kabye shinggyin la ai zawn shanhte hpe ari jaw na matu shinggyin hpawng da ai lam hpe shanhte myit n hkawn nga ma ai.

Jinghpaw Hanson Version Bible

¹² Rai timung shanhte gaw, Yehowa myit mang ai hku n chye, shi hpaji daw ai lam hpe, n chye na ma ai: kaning rai nme law, shi gaw shanhte hpe hkauling zawn chyarang hta sumpum tawn mu ai.

MIHKA 4:12 ပူးပေါင်းရင်းမြစ်များ

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

ESAIA 10:7

Rai ti mung Asuri hkawseng wa gaw shi a myit masin hta du daw sai hkaw na maw mawn lam ni rawng nga ai. Shi gaw masha amyu baw law law ni hpe gasat shamyit kau na matu daw dan jahkut da nga ai.

ESAIA 21:10

Nye a amyu masha Israela e, nang gaw hkaulan mam zawn kabye anut ai hkrum nga nit dai, rai ti mung ya chyawm gaw Chyahtum Chyalai N-gun rawng ai dai Madu Israela a Karai Kasang kaw na ngai na ni ai kabu gara shiga ngai nang hpe tsun ndau ni ai.

ESAIA 29:7

dai hpang masha amyu baw ni a hpyen luksuk ni gaw Karai Kasang a tawn hkungri a mare hpe gasat nga na mara ai, shanhte a hpyen laknak arung arai yawng hte hpyen hking arai magup hte gaw yup mang zawn hkoi mat na mara ai, dai gaw shana e myit mang ai arai lama mi zawn tai na ra ai.

ESAIA 55:8

Dai Madu gaw, “Nye a myit mang ai lam ni gaw nanhte zawn n rai nga ai, nye a lam ni gaw nanhte a lam ni hte kaga ga rai nga ai.

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

YEREMIA 51:20

Dai Madu gaw, “Babelon e, nang gaw nye a sumdu, nye a majan laknak rai nga ndai. Ngai gaw masha amyu baw ni hte mungdan ni hpe agrawp mani kau na matu mung,

YEREMIA 51:33

Kade n na yang, hpyen wa gaw shanhte hpe kran kadang kau nna chyarang pa ntsa e mam kabye ai zawn shanhte hpe kabye anut kau na mara ai. Chyahtum Chyalai N-gun rawng ai dai Madu Israela a Karai Kasang ngai tsun ni ai,” ngu nna tsun ai.

YOELA 3:2

Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

LUKA 3:17

Shi a lata hta shi hkuwawn lang nna shi a mam ni mahkra hpe yit jasan kau nhtawm, mam gu hpe shi a dum hta shinggyin da na ra ai, nsan hpe chyawm gaw galoi mung n krip ai wan hta nat kau na ra ai,” ngu nna shanhte hpe tsun mu ai.