MIHKA 4:11 - Jinghpaw Common Language Bible 2009

¹¹ Masha amyu baw ni law law nang hpe gasat na matu hpawng nga masai. Shanhte gaw, “Yerusalem gaw hten run mat ra ai! Ndai mare hten run taw nga ai hpe anhte mu lu na ga ai!,” ngu nna tsun ma ai.

Jinghpaw Hanson Version Bible

¹¹ Ya e pyi, Ziun mare awu asin hkrum u ga, shi hta anhte a myit dik u ga, nga nna tsun ai maigan amyu ni law law, na a lam zuphpawng nga ma ai.

MIHKA 4:11 ပူးပေါင်းရင်းမြစ်များ

SHAKAWN KUNGDAWN 129:5

Ziun hpe n dawng n yawt nga ai ni nlang hte gaw, kaya kahpa hte sum mat nna, jahtaw kau ai hkrum nga mu ga.

SHAKAWN KUNGDAWN 83:5

Shanhte gaw shanhte a yaw shada ai lam hpe jawm myit hkrum da ma ai, nang hpe gumlang na matu, jinghku hpung langai hpe jawm hpaw ninghtan da nga ma ai:

ESAIA 10:7

Rai ti mung Asuri hkawseng wa gaw shi a myit masin hta du daw sai hkaw na maw mawn lam ni rawng nga ai. Shi gaw masha amyu baw law law ni hpe gasat shamyit kau na matu daw dan jahkut da nga ai.

ESAIA 17:12

Daru magam n-gun rawng ai masha amyu baw ni gaw panglai hka wu kadu ai nsen zawn, hka leng kaba ni ngoi kashaw ai nsen zawn garu gachyi nga ma ai.

ESAIA 29:7

dai hpang masha amyu baw ni a hpyen luksuk ni gaw Karai Kasang a tawn hkungri a mare hpe gasat nga na mara ai, shanhte a hpyen laknak arung arai yawng hte hpyen hking arai magup hte gaw yup mang zawn hkoi mat na mara ai, dai gaw shana e myit mang ai arai lama mi zawn tai na ra ai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

EZEKELA 26:3

“Dai rai nna, Tsaw Htum ai Madu ngai nan tsun nga ai mungga gaw ndai rai nga ai: Turu mare e, ngai gaw na a hpyen rai nga nngai. Ngai gaw nang hpe gasat na matu masha amyu law law hpe woi sa wa na nngai, dai ni gaw panglai hka leng ni zawn rawt hta wa ai hte du sa wa na mara ai.

EZEKELA 38:17

Dai aten du ai shaloi, Israela hpe htim gasat na matu, amyu langai mi hpe ngai shangun dat na ngu nna nye a shangun ma ni rai nga ai Israela myihtoi ni hpe moi prat kaw na ngai tsun ndau da nga sai shingran gaw, nang nan rai nga ndai.” Tsaw Htum ai dai Madu nan tsun nu ai.

OBEDIA 1:12

Yuda mung na na a jinghku ni a n kaja ai gam maka hpe nang yu sharawng mai nga ndai n rai. Shanhte hten run hkrum ai shani e, nang yu kabu mai nga ndai n rai. Shanhte myit ru myit yak hkrum nga ma ai shaloi, nang shanhte hpe mani asawng mai nga ndai n rai.

MIHKA 7:10

Dai hpang, anhte a gumlau hpyen ni dai lam hpe mu wa nna kaya kahpa hkrum wa na mara ai. Dai gumlau hpyen ni gaw anhte hpe, “Na a Madu Karai Kasang kanang nga nga lit ta?,” nga nna san ashu ai ni gaw lam ka-ang na hkumpup zawn kabye hkrum ai hte sum kadawng mat ai hpe anhte mu lu na ga ai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.