MIHKA 4:10 - Jinghpaw Common Language Bible 2009

¹⁰ Yerusalem masha ni e, shinggyim machyi ai num zawn kasha shangai na matu manai madai nga u. Hpa majaw nga yang, nang gaw ndai mare kaw nna pru mat wa ra ai hte pa ga de sa nga ra na ra ai. Nang gaw Babelon mung de du hkra sa mat wa ra nga tim, dai Madu gaw nang hpe dai shara na na a gumlau hpyen ni a lata kaw na mawai la na ra ai.

Jinghpaw Hanson Version Bible

¹⁰ Rai sa, Ziun shayi sha e, shinggyim machyi ai num zawn, kawa machyi hkrum nna, kasha shangai na n-gun dat u; kaning rai nme law, ya pyi ndai mare na nang pru nna, pa ga hta hkring nga nhtawm, Babelon mare du hkra sa wa na rin dai: dai mare hta nang mawai la ai hkrum na ndai; ndai yang e Yehowa gaw hpyen ni a lata na, nang hpe hkye hkrang la na ra ai.

MIHKA 4:10 ပူးပေါင်းရင်းမြစ်များ

2 HKAWHKAM 20:18

Nang hte ading tawk seng ai amyu matu ni mung woi wa ai hkrum nna Babelon hkawhkam htingnu hta e daw jau ai amu galaw na matu unuk tai na mara ai,” ngu nna tsun wu ai.

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

2 HKAWHKAM LABAU 33:11

Dai re ai majaw, dai Madu gaw Asuri hpyen luksuk a up hkang du ni hpe Yuda mung de sa shang gasat shangun wu ai. Shanhte gaw Manashe hpe rim la nhtawm chyinghkyi ni hte sin-yu ni hte hkang nna Babelon mung de woi mat wa ma ai.

2 HKAWHKAM LABAU 36:20

Shi gaw naw hkrung nga ai ni yawng hpe Babelon mung de woi wa ai rai nna shanhte gaw shi hte shi a amyu matu mara ni hpe Persi mungdan a daru magam n-gun rawt wa ai aten du hkra, mayam amu galaw let daw jau nga ma ai.

2 HKAWHKAM LABAU 36:23

“Ndai gaw Persi Hkawseng Kuru a hkang da ai ga rai nga ai. Dai Madu Sumsing lamu a Karai Kasang gaw ngai hpe mungkan ga ting hpe up hkang shangun ni ai. Yuda mung Yerusalem mare hta shi a matu Nawku Htingnu langai gap na lit ngai hpe jaw da ni ai. Ya chyawm gaw Karai Kasang a amyu masha ni rai nga myit dai nanhte yawng gaw dai de sa wa manu; dai Madu nanhte a Karai Kasang gaw nanhte hte rau nga nga u ga law.”

SHAKAWN KUNGDAWN 106:10

Shi gaw n ju n dawng ai ni a lata na shanhte hpe mawai la nu ai, shanhte a hpyen ni kaw na shi shanhte hpe hkye la nu ai.

ESAIA 43:14

Nang hpe hkye la ai dai Madu Israela a chyoi pra ai Karai Kasang gaw, “Nang hpe hkye la na matu, Babelon mung hpe ninghkap lu ai hpyen luksuk langai ngai shangun dat na nngai; Ngai gaw mare chyinghka ni hpe run kau na we ai, dai mung na masha ni a jahtau garu ai nsen hpe hkrap agru ai nsen shatai kau na we ai.

ESAIA 45:13

Ngai nan gaw nye a yaw shada ai hpe jahpring shatsup na matu hte lam magup hpe shading sharai ya na matu mung Kuru a myit hpe shamu shamawt ya se ai. Ngai gaw shi hkawm sa na lam shagu hpe malan ya na nngai. Shi gaw nye a mare, Yerusalem hpe bai gaw gap ai hte bawng dung ai nye a amyu masha ni hpe shalawt dat na ra ai. Kadai mung shi hpe saw la na n rai, ndai amu galaw na matu shi hpe mayun kumhpa jaw na ma ai n rai.” Chyahtum Chyalai N-gun rawng ai dai Madu tsun nu ai.

ESAIA 48:20

Babelon mung kaw na pru wa mu, ndut ndang pru wa mu! “Dai Madu gaw shi a shangun ma Israela hpe hkye la nu ai!,” ngu nna dai hpe mungkan shara shagu hkan tsun shabra mu; dai shiga hpe kabu gara jahtau tsun mu.

YEREMIA 13:4

“Uhprat hka nu de rawt sa nna lungpu hku langai mi hta dai shingkyit ni hpe makoi da su,” nga nna tsun ai.

YEREMIA 15:21

N hkru ai hte kashun kashe du daw sai hkaw amu galaw ai masha ni a lata kaw na ngai nang hpe mawai la na nngai. Dai Madu ngai nan tsun ni ai,” nga nna tsun htang wu ai.

YEREMIA 29:20

Babelon mung de ngai shangun dat nna bawng dung hkrum nga ai nanhte e, dai Madu ngai hpa tsun ai hpe madat la mu,’ ngu nna tsun ai.

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 48:41

mare ni hte hpyen dap ni zing la hkrum na ra ai nga nna dai Madu ga sadi tawn da nu ai. Dai shani e, Moba hpyenla ni gaw shinggyim machyi hkrum ai num zawn hkrit kajawng mat na mara ai.

YEREMIA 52:27

Hkawhkam wa gaw dai shara e shanhte yawng hpe adup ai hte kahtam sat kau wu ai. Dai rai nna, Yuda amyu masha ni gaw shanhte a mungdan kaw nna tsasam mungdan de bawng woi la hkrum nga ma ai.

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

HOSEA 13:13

Israela gaw hkrung nga lu na ahkang lu ti mung, dai lam myit ai gaw nau wa angawk ai nga ai rai nna kanu a hkritung kaw nna shangai pru wa na matu yak nga ai ma hte bung nga ai.

HOSEA 2:14

Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

SHINGRAN 12:14

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai.